VOV4.Bahnar - Năr 28/5, ƀok Lê Hoài Trung, Kơdră jang lơ̆m Dơnŏ anĭh chĕp pơgơ̆r Trung ương Đảng, Kơdră Hơnĭh jang Tơbôl Trung ương hlôi pơm tơm ƀar ‘măng Hop akŏm trư̆k tuyên tơroi tơbăt pơtôch Pơm lêh hop akŏm kơdră tang măt lơ̆m tĕh đak ‘măng mă XIII kơ Đảng bơ̆n hăm Đảng Cộng sản Cuba păng hăm Đảng Tĕh đak Nga Mĭnh nơ̆r. Iung pơma tơ̆ ƀar hop akŏm au, ƀok Lê Hoài Trung sơkơ̆t hơdăh, Việt Nam ling lang lăng kơ jăp păng ‘mĕh vă atŏk kơtang hlŏh dơ̆ng tơgoăt tơgoăl gĭt kăl ƀar păh Đảng Cộng sản Việt Nam hăm Đảng Cộng sản Cuba păng ƀar păh Đảng Cộng sản Việt Nam hăm Đảng Tĕh đak Nga mĭnh nơ̆r. Kơdră chĕp pơgơ̆r Đảng sơkơ̆t hơdăh, Đảng Cộng sản Cuba păng Đảng Tĕh đak Nga Mĭnh nơ̆r ling lang lăng kơ jăp jang hơdoi hăm Đảng Cộng sản Việt Nam, lăng ‘nŏh jing trong jang chĭnh trĭ gĭt kăl vă pơtrŭt kơtang, lăng kơ jăp hlŏh dơ̆ng tơgoăt tơgoăl gĭt kăl Việt Nam- Cuba đei Kơdră chĕp pơgơ̆r Tĕh đak Hồ Chí Minh, Kơdră chĕp pơgơ̆r tĕh đak Phidel Castro hăm Kơdră chĕp pơgơ̆r Raul Castro Castro tơ iung pơjing adoi nhen tơgoăt tơgoăl Jang hơdoi tôm tong Việt Nam- Liên bang Nga.

Tơblơ̆ nơ̆r: Amazưt