VOV4.Bahnar –Tơ̆ Hà Nội, Anih tơm Kŏng ang pơgơ̆r Hop akŏm trư̆k tuyê̆n hăm Kŏng ang dôm tơring vă xơkơ̆t tơlĕch pơm kiơ̆ pơkăp pơjing Kŏng ang, xăh, thĭ trâ̆n chĭnh qui lơ̆m jâ̆p teh đak; tơlĕch pơjing Kŏng ang phương gơh rơgei, yuk trong hơlâu vei xơđơ̆ng tơpôl lơ̆m tơring. Pơm kiơ̆ Tơchơ̆t kơsô̆ 22 năr 15/3/2018 đơ̆ng Anih tơm Chĭnh trĭ găh pơtoi tơplih 'nao, pơkăp jơnŭm jang kơ Anih tơm Kŏng ang bot 'lơ̆ng, jang đei jơnei truh dang ei, Kŏng ang tơ̆ tôm 63 tơring hlôi pơtoi pơtruh hloh 43 rơbâu kang ƀô̆ Kŏng ang chĭnh qui năm pơm jang Kŏng ang xăh tơ̆ hloh  7 rơbâu 800 xăh, thĭ trâ̆n. Yak hloh dôm tơnap tap mă blŭng, khul Kŏng ang xăh, thĭ trâ̆n chĭnh qui lơ̆m jâ̆p teh đak hlôi tenh kuăng tơguăt hăm tơring, tơguăt hăm kon pơlei, hơtŏk dôm tơdrong jang chă hơlen, vei xơđơ̆ng tơpôl, tơlĕch dôm tơdrong jang tơnăp, kiơ̆ đơ̆ng noh, hlôi pơjing “minh trong 'nao” găh tơdrong vei xơđơ̆ng tơpôl tơ̆ tơring, tơgop pơjing um rŭp Kŏng ang xăh yuơ teh đak mă hiơt dơh po, pơm jang kơyuơ kon pơlei, tôm noh kơyuơ kơ tơdrong erih xơđơ̆ng jơnap ăn kon pơlei.

Lan chih păng pơre nơ̆r