VOV4.Bahnar – 'Năr brei (24/11), tơ̆ Hà Nội păng Mascow hlôi pơgơ̆r Hop akŏm trư̆k tuyê̆n 'măng mă 6 kơ Anih axong jang Việt Nam - Liên bang Nga. Tơdrong hop akŏm kơyuơ ƀok Nguyễn Văn Hồi – Thư̆ trưởng Anih tơm Axong jang Linh jĭ rơka păng Tơpôl Việt Nam păng Thiếu tướng Dimitriy Pavlovich Demidenko – Anih tơm Nô̆i vŭ, Liên bang Nga atŭm pơgơ̆r, hăm tơdrong vang akŏm đơ̆ng bơngai tang măt kơ dôm Anih jang tơm đei tơrĕk kơ 2 păh. Tơ̆ hop akŏm, 2 păh hlôi xơkơ̆t hop akŏm kiơ̆ pơkăp păng pơlơh băl Khul pơm jang, atŭm hăm noh xơkơ̆t tơdrong pơtoi đei jơnei trong jang âu hlôi pơjing minh tơdrong jang hadoi, tơroi tơbăt găh đei jơnei păng tơtom đơ̆ng 2 anih jang kơtă vei lăng axong jang tơ̆ 2 teh đak duh nhen dôm anih jang đei tơrĕk găh vei lăng bơngai năm jang. Kiơ̆ đơ̆ng noh, atŭm băl chă trong, hơtŏk jang hadoi păng pơklaih tơnap tap đei ƀôh lơ̆m tơdrong jang hadoi. Ƀar păh duh chih akŏm găh tơdrong Pơkăp hơvơn iŏk bơngai jang  Việt Nam năm pơm jang tơchơ̆t khei năr tơ̆ teh đak Liên bang Nga.

Lan chih păng pơre nơ̆r