VOV4.Bahnar – Anih tơm linh duk păng Anih tơm Axong jang Việt Nam 'nao kĭ pơkăp Tơdrong jang hadoi tơroi tơbăt găh achon đak dơxĭ jăl xơnăm 2021 - 2026. Dôm xơnăm kơ âu, Anih tơm Axong jang Việt Nam păng Anih tơm linh duk hlôi jang atŭm pơgơ̆r lơ tơdrong jang kăp gĭt, tơrĕk hăm đak dơxĭ, achon teh kơ teh đak; hơnơ̆ng pơgơ̆r năm apong, hơlêm đe linh, kang ƀô̆ păng kon pơlei tơ̆ achon teh Trường Sa. Anih tơm Axong jang tơlĕch hơvơn đe đoan viên, bơngai jang chă tơgop tơgŭm Jene mong Achon đak dơxĭ kơ pơlei pơla; axong ăn kang ƀô̆ linh tơ̆ achon teh Trường Sa nhen um pơtih ăn tơdrong tơguăt dôm jăl jang hăm Khul linh duk kon pơlei Việt Nam. Tơdrong jang đei jang hadoi đơ̆ng xơnăm 2021 – 2026 đei 6 tơdrong tơm. Lơ̆m noh, akŏm lơ̆m tơdrong jang tơrĕk truh đak dơxĭ, achon teh Việt Nam; tơlĕch tơdrong jang kon pơlei jâ̆p teh đak păng kon pơlei bơ̆n tơ̆ teh đak đe tơrĕk hăm khul linh, kon pơlei tơ̆ achon teh Trường Sa păng Nhà giàn DK1…

Lan chih păng pơre nơ̆r