VOV4.Bahnar – Pơgê năr (17/11) tơ̆ Hà Nội, Kơdră jang tang măt ăn teh đak Nhâ̆t tơ̆ Việt Nam ƀok Takio Yamada păng yă Rana Flowers, Kơdră jang tang măt ăn Anih mong jên tơgŭm hơ ioh kơ Liên hơp kuôk (UNICEF) tơ̆ Việt Nam hlôi kĭ Pơkăp hơƀlih “Tơdrong jang hơtŏk tơdrong kĕ pŭ răm đơ̆ng 'mi kial păng hơyuh tô̆ 'mi tơplih ăn đe hơ ioh” . Tơdrong jang âu kơyuơ Jơnŭm pơgơ̆r teh đak Nhâ̆t tơgŭm kiơ̆ Anih mong jên tơgŭm hơ ioh kơ Liên hơp kuôk (UNICEF) tơ̆ Việt Nam, đei kơjă 5,7 trĭu đôlar ăn jăl jang đơ̆ng xơnăm 2021 - 2026. Lơ̆m pơkăp pơm jang gô pơtho ăn đe hơ ioh, unh hnam păng tơpôl băt dôm tơdrong hlôh vao kăp gĭt vă tơjră hăm hơyuh tô̆ 'mi tơplih păng 'mi kial đak hơbông pơrăm tơ̆ tơring tŏk bŏk păng tơring Tơmăng đak krong Cửu Long, lơ̆m noh đei 9 rơbâu 'nu hơ ioh đei hơmet dôm tơdrong hlŏng đak păng anih rơgoh 'lơ̆ng păng 10 rơbâu 'nu hơ ioh tơ̆ hơla 5 xơnăm gô đei hơlen chih akŏm găh  hiang hiơp vă đei dôm tơdrong tơkan tơtom ăh xơnăm 2025.

Lan chih păng pơre nơ̆r