VOV4.Bahnar -  Khŭl kơdră tĕh đak Hungary hlôi tơchơ̆t pôk ăn Khŭl kơdră tĕh đak Việt Nam 100.000 kơ liêu vaccine Astra Zeneca păng 100.000 kmăi kmŏk khăm hơlen rĕnh vă tơ jră tang găn hăm jĭ hơbŭh Covid-19. Lơ̆m khei năr jĭ hơbŭh pơrăm kơtang hăm tơdrong tơpŏh kơtang, Khŭl kơdră tĕh đak Việt Nam hlôi tơbăt hơdăh sơng iŏk đei lơ pơgang vaccine păng tĕnh koăng ƀet bơ̆ng ‘nŏh tơdrong tôch gĭt kăl păng kăl hlŏh hrei au. Tơdrong Khŭl kơdră tĕh đak Hungary tơchơ̆t tơgŭm ăn vaccine păng kmăi kmŏk khăm hơlen rĕnh ăn kơ Việt Nam jing tơdrong tôch gĭt kăl tơbăt hơdăh ăn tơgoăt tơgoăl dĭh băl “Jang hơdoi tôm tong” ‘lơ̆ng hơ iă ƀar păh Việt Nam păng Hungary lơ̆m hlŏh 70 sơnăm au ki, adoi tơ ƀô̆h hơdăh vang chă tơgŭm djru dĭh băl lơ̆m khei ‘năr mơmat tat, hơdrin vang kơrŭn jơhngơ̆m tơpŭh hŭt jĭ hơbŭh Covid-19 lơ̆m plei tĕh.

Tơblơ̆ nơ̆r: Amazưt