VOV4.Bahnar - Sơnăm 2019 mă đơ\ng tơ [ơ\p tôch kơ lơ tơdrong tơnap tap, mă lei tơdrong jang kiơ\ trong jang kla ăn kon jên io\k yua cham char bri kơ dêh char Kon Tum oei io\k đei jơnei hơ iă. Đei đăi lơ lau ‘noh gơnơm tơdrong lăng ba kơ jăp, che\p pơgơ\r pơro# jang tơtom đơ\ng Dơno\ an^h vei lăng kon pơlei dêh char, Jơnu\m che\p pơgơ\r An^h mong jên Vei lăng năng tông păng Ato\k tơ iung bri tơring atu\m hăm An^h mong jên Vei lăng năng tông păng Ato\k tơ iung bri Việt Nam. ‘Ngoăih kơ ‘no\h oei đei jang hơdoi kơ jăp, tơtom đơ\ng rim an^h bơ\ jang, kơdră che\p pơgơ\r rim tơring lơ\m tơdrong jang kiơ\ trong bơ\ jang adoi nhen tơdrong drơ\ng m^nh nơ\r đơ\ng rim an^h jang io\k yua, an^h pơtru\h ăn io\k yua cham char bri mă kăl ‘no\h tơdrong vang iung jang kơtang đơ\ng pơlei pơla păng kon pơlei lơ\m dêh char.

Jo# tru\h năr 6/12/2019, An^h mong jên Vei lăng năng tông păng Ato\k tơ iung bri dêh char Kon Tum hlôi chă hơvơn io\k đei 189 ti hlak jên, jơnei 75% pơtêng hăm trong pơ pro\ jang păng tơche\ng hơdrol tru\h năr 31/12/2019 ‘no\h đei hlo\\h 266 ti hlak jên, io\k đei dang 105% trong tơle\ch jang.

Đơ\ng kon jên hơvơn au hlôi pơm sơđơ\ng ăn lơ\m kla ăn lơ\m bơ\ jang che\p pơgơ\r, vei lăng năng tông hlo\h 360.600ha bri, jơnei 63% ako\p hơgăt te\h bri lơ\m dêh char, ư\h kơ pơ đ^ hăm hơgăt te\h ‘long ksu, ‘long g^t kăl. {ok Hồ Thanh Hoàng, Kơdră che\p pơgơ\r An^h mong jên Vei lăng năng tông păng ato\k tơ iung bri dêh char Kon Tum tơbăt, lơ\m sơnăm 2019, tơdrong hơnơ\ng jang kiơ\ jơnei trong jang kla ăn kon jên io\k yua cham char bri hlôi hơnhăk đei jơnei hơ iă lơ\m bơ\ jang che\p pơgơ\r, vei lăng păng ato\k tơ iung bri kơ tơring. Lơ\m au đei [ar hơyak jang t^h tên lơ\m jang kiơ\ trong jang au:“Hơyak g^t kăl hlo\h lơ\m jang kiơ\ tơdrong jang kla ăn kon jên io\k yua cham char bri kơ dêh char Kon Tum sơnăm 2019 ‘no\h hlôi pơ\ih să an^h thue# io\k kon jên kla ăn io\k yua cham char bri hăm rim an^h jang kmăi kmo\k pơm tơle\ch tơmam drăm đei io\k yua đak đơ\ng đak tơgu\m ăn pơm tơle\ch tơmam drăm hlôi chă hơvơn dơ\ng kon jên io\k yua kla ăn kon jên io\k yua cham char bri kơ dêh char vă vei lăng bri. Mă [ar ‘no\h tơdrong pơjing tai khan păng tơle\ch kon jên io\k yua cham char bri ăn kon pơlei ‘moi kiơ\ tai khoan An^h mong jên sơđơ\ng tơtom, tôch hơdăh, [ônh păng dă [iơ\ tơhoach, sơđơ\ng ư\h kơ io\k yua jên hmă, sơđơ\ng lơ\m bơ\ jang kla ăn păng [lep hăm rim tơdrong tơchơ\t hrei au ”.

Lơ\m sơnăm 2019, An^h mong jên Vei lăng năng tông păng ato\k tơ iung bri dêh char Kon Tum hlôi pơjao ăn An^h bơ\ jang kla ăn kơ apu\ng chă kla ăn 34 ti hlak jên đơ\ng kon jên io\k yua cham char bri sơnăm 2018 ăn hlo\h 3.500 u\nh hnam kon pơlei păng 34 pơlei vei lăng năng tông 44.500 ha bri te\h đak pơjao ăn. Jo# hơto\ lơ\m m^nh sơnăm m^nh u\nh hnam sơng io\k đei hlo\h 8 tr^u 700.000 hlak jên; jo# hơto\ m^nh pơlei đei 88 tr^u hlak jên.

Hăm rim an^h tơngla bri ‘no\h An^h bơ\ jang păng Dơno\ an^h vei lăng kon pơlei rim tơring, th^ trân hlôi pơjao vei lăng năng tông bri ăn 1.555 u\nh hnam, ‘nu bơngai ; 192 khu\l u\nh hnam ; 336 pơlei păng 5 an^h bơ\ jang hăm hơgăt te\h bri hlo\h 156.000 ha. Ako\p kon jên io\k yua cham char bri kla ăn vă je# 96 ti hlak jên. Lơ\m m^nh u\nh hnam io\k vei lăng bri lơ\m m^nh sơnăm sơng io\k đei hlo\h 13 tr^u hlak jên ; găh pơlei ‘no\h lơ\m m^nh sơnăm io\k đei 160 tr^u hlak jên ; khu\l u\nh hnam dang 98 tr^u hlak jên lơ\m m^nh sơnăm păng An^h bơ\ jang dang 500 tr^u hlak jên lơ\m m^nh sơnăm. ‘Nau jing tơdrong io\k đei jei lơ pơtêng hăm jang sa io\k đei kơ rim u\nh hnam er^h sa lơ\m bri păng tơ je# bri, mă kăl bơngai kon kông.

Mo\ Y On, pơlei Kon Plông, tơring Hiếu, apu\ng Kon Plông tơbăt, gơnơm jang sa io\k đei đơ\ng io\k vei lăng 900 ha bri, kon pơlei lơ\m pơlei tôch tơnăp vei lăng bri păng vei lăng bri roi năr roi hroong hlo\h:“Kon pơlei hlôi vei lăng năng tông bri tôch kơ ‘lơ\ng vă sơng io\k đei kon jên vei lăng. Rim u\nh hnam vang jang vei lăng bri ‘no\h ư\h kơ đei u\nh hnam ayơ pơm glăi chă mu\ih ro\h ko\h ‘long vă pơm mir jơmu\l pơtăm [a hơ [o bơih”.

Atu\m hăm lơ tơdrong jang đei jang kiơ\ jơnei, lơ\m sơnăm 2019, An^h mong jên Vei lăng năng tông păng ato\k tơ iung bri dêh char Kon Tum hlôi pơgơ\r 59 ‘măng Hop ako\m pơro# pơrôp, tơroi tơbăt trong bơ\ jang kla ăn io\k yua cham char bri tơklep hăm bơ\ jang che\p pơgơ\r, vei lăng bri ăn kơ dang 5.700 ’nu bơngai vang năm; jang kiơ\ Tơdrong jang Yak hơdoi hăm o\h năm tơ\ hnam trương hơdrol khei ‘năr vă mơ\t ho\k sơnăm ho\k ‘nao 2019, An^h mong jên in tơle\ch nơ\r pơro# pơrôp tơroi tơbăt trong jang kla ăn io\k yua cham char bri lơ\m kơđo\h 400.000 kơsơ\p hla bơar ch^h păng 5.000 to\ môk [ơk ăn đe ho\k tro lơ\m tơring đei io\k yua jang kiơ\ kla ăn io\k yua cham char bri; Pơgơ\r 4 ‘măng Hop ako\m pơtho tơbăt tơle\ch jang kiơ\ Tơdrong tơchơ\t 156 năr 16/11/2018 đơ\ng Khu\l kơdră che\p pơgơ\r Te\h đak ăn rim an^h tơngla bri ‘noh An^h bơ\ jang, Dơno\ an^h vei lăng kon pơlei rim tơring, th^ trân đei Te\h đak pơjao ăn vei lăng năng tông bri. {ok Nguyễn Thất, Kơ ie\ng Kơdră che\p pơgơ\r Dơno\ an^h vei lăng kon pơlei tơring Đak Ang, apu\ng Ngo\k Hôi tơbăt tơdrong io\k đei jơnei đơ\ng vang năm rim ‘măng Hop ako\m pơtho tơbăt lơ lau: “Bro\k đơ\ng Hop ako\m pơtho tơbăt au ‘nho\ng o\h ‘nhôn băt hơdăh hơgăt te\h bri lơ\m tơring đơ\ng ‘no\h pơro# iung jang vei lăng. Băt hơdăh dôm hơgăt te\h bri ayơ đei tôm rơvơn gơ\h io\k yua cham char bri. Hơgăt te\h bri ayơ sơ\ hlôi vat vei lăng năng tông mă lei kơ yuơ kon pơlei mu\ih ro\h ko\h ‘long pơm mir lơ\m au tơdăh ư\h đei sơ đơ\ng ‘no\h jei ư\h tơmơ\t lơ\m vă kla ăn io\k yua cham char bri ôh. Mă [ar dơ\ng hlo\h đơ\ng ho\k pơhra\m au dôm tơdrong bơ\ jang vei lăng kon jên io\k yua cham char bri [ar păh kang [o# bơ\ jang jên hu hăm kơchă che\p pơgơ\r [ônh [iơ\, băt hơdăh tơdrong jang kla ăn kon jên hoei chă pơm glăi kiơ\ tơdrong tơchơ\t”.

Tơdrong dêh char Kon Tum hơnơ\ng bơ\ jang ‘lơ\ng tơdrong jang kla ăn io\k yua cham char bri lơ\m sơnăm 2019 hlôi pơm ăn đei tôch kơ ‘lơ\ng lơ\m vei lăng năng tông bri kơ tơring. Atu\m hăm chă hơvơn tơdrong vang jang đơ\ng pơ đ^ tơpôl lơ\m bơ\ jang vei lăng năng tông bri, [rư\ [rư\ jang kiơ\ ‘lơ\ng trong jang tơpôl vang jang vei lăng năng tông bri, trong jang au hlôi tơgop hơ iă ăn tơdrong oei sa sơđơ\ng dơ\ng kơ jăp ăn rơbau ‘nu bơngai jang vei lăng bri, mă kăl kon pơlei pơla oei tơ\ tơring atăih yăih, tơring kon pơlei kon kông. 

Vă lăng [ôh tôm tơ drong đei yoa đơ\ng bơ\ jang kiơ\ trong kla jên mưh io\k yoa cham char bri brăh kơ dêh char Kon Tum lơ\m sơ năm 2019 ku\m nhen trong vă jang đơ\ng An^h mong jên lơ\m sơ năm ‘nao 2020, nhôn pơ ma nuh hăm [ok Hồ Thanh Hoàng, Kơ dră An^h mong jên vei lăng păng ato\k tơ iung bri dêh char.

- Blu\ng a ap^nh bơ nê kơ ih [ok Hồ Thanh Hoàng, Kơ dră An^h mong jên vei lăng păng ato\k tơ iung bri dêh char Kon Tum ‘măn jơ ăn tơ drong pơ ma nuh ‘nâu. {ok ăi, oei pă to\ se\t năr dơ\ng ‘no\h đ^ sơ năm 2019, ih roi tơ băt tơ drong jang đơ\ng An^h mong jên truh dang ei hlôi păng oei to\k bo\k bơ\ jang thoi yơ?

-Tơl: Truh dang ei, An^h mong jên vei lăng păng ato\k tơ iung bri dêh char Kon Tum hlôi jang vă ke\h rim tơ drong đei tơ le\ch lơ\m sơ năm 2019 đei Dơ no\ an^h vei lăng kon pơ lei dêh char pơ jao. Đ^ đăng bơ ngai jang lơ\m An^h mong jên vei lăng păng ato\k tơ iung bri dêh char oei hăt jang ke\h dôm tơ drong jang oei đei mă ‘lơ\ng hlo\h.

Dang ei, An^h mong jên vei lăng păng ato\k tơ iung bri dêh char Kon Tum oei jang hơ doi hăm An^h vei lăng bri ‘long dêh char, dôm an^h vei lăng bri tơ\ apu\ng, plt pơ jing 3 khul dăr hơ len, chih hơ dăh hơ găt bri ‘long tơ\ dôm khul gru\p, unh hnam, rim bơ ngai, tơ pôl pơ lei păng Dơ no\ an^h vei lăng kon pơ lei dôm xăh, th^ trơ\n io\k vei lăng.

Hăm dôm tơ ring hlôi jang đang tơ drong dăr hơ len, An^h mong jên vei lăng păng ato\k tơ iung bri dêh char pơ gơ\r ăn 1 Khul jur tơ\ dôm apu\ng, xăh vă jang hơ doi hăm dôm an^h vei bri tơ\ tơ ring, Dơ no\ an^h vei lăng kon pơ lei xăh, th^ trơ\n k^ tơ băt hla ar Kla jên mưh io\k yoa cham char bri brăh, dôm kơ [ang chih tơ băt kơ so# te\h bri ‘long; atu\m hăm ‘no\h An^h mong jên vei lăng păng ato\k tơ iung bri dêh char pơ gơ\r ăn 1 khul jur tơ\ dôm xăh đei unh hnam, kon pơ lei tam mă pơih tai khoa tơ\ ngân hang vă roi tơ băt, krao hơ vơn păng pơm hla ar pơih tai khoan ăn dôm unh hnam kon pơ lei âu.

Đơ\ng dang ei truh đ^ sơ năm 2019, An^h mong jên vei lăng păng ato\k tơ iung bri dêh char ako\m khul jang bơ\ jang kho\m ke\h dôm tơ drong jang kơ pal; atu\m hăm ‘no\h mong ako\m đ^ đăng jên thu đei, jo# hơ len, chih hơ dăh hơ găt te\h bri đei kla jên mưh io\k yoa cham char bri brăh hăm rim tơ ‘ngla bri; jo# hơ len, chih hơ dăh jên vei bri ăn dôm tơ ‘ngla bri; adrin kla jên vei bri ăn dôm tơ ‘ngla bri adrol kơ Têt Nguyên đán Canh Tý. 

- Găh tơ drong jang đơ\ng An^h mong jên vei lăng păng ato\k tơ iung bri dêh char Kon Tum sơ năm 2019, ih tơ che\ng thoi yơ, kiơ\ ih tơ drong kiơ jang đei ‘lơ\ng hlo\h?

-Tơl: Mă 1 j^ tơ drong roi tơ [ôh ăn Dơ no\ an^h vei lăng kon pơ lei dêh char, hơ met pơ ‘lơ\ng khul kơ dră che\p kơ\l păng pơ gơ\r bơ\ jang kiơ\ trong kla jên mưh io\k yoa cham char bri brăh. Truh dang, An^h mong jên vei lăng păng ato\k tơ iung bri dêh char hlôi jang đang tơ drong roi tơ [ôh ăn Dơ no\ an^h vei lăng kon pơ lei dêh char, hơ met pơ ‘lơ\ng khul kơ dră pơ gơ\r kiơ\ tơ drong hơ găt kơ so# 156 đơ\ng Khul kơ dră te\h đak păng dôm hla ar chih đei [ơm truh.

Tơ drong jang mă 2 j^ io\k ako\m jên thu mong: An^h mong jên vei lăng păng ato\k tơ iung bri dêh char hlôi thu jên đơ\ng dôm an^h jang đei io\k yoa cham char bri brăh, jo# truh đ^ ‘năr 6/12/2019 hăm kơ so# jên truh 189,45 ti, io\k đei 75% pơ têng hăm nơ\r hơ găt, pơ hlom năng jang truh ‘năr 31/12/2019 ‘no\h đei 266,34 ti, io\k đei dang 105,4% nơ\r hơ găt.

Găh jên tơ le\ch kla ăn tơ drong jang vei bri đơ\ng dôm tơ ‘ngla bri ‘no\h hlôi tơ le\ch kla ăn dôm tơ ‘ngla bri jo# truh ‘năr 06/12/2019 đei 252,37 ti hlak jên...

- {ok ăi, sơ năm 2019 tơ drong thu jên mưh io\k yoa cham char bri brăh lơ\m dôm khei blu\ng sơ năm đei năng tôch mơ mat, hơ nat vă gơ\h jang đei nơ\r hơ găt. Mă lei truh hơ tuch sơ năm An^h mong jên ưh lăp jang đei đe\ch mă oei lơ hlo\h kơ so# hơ găt dơ\ng. Dôm tơ drong adrin păng trong jang thoi yơ đei An^h mong jên vei lăng păng ato\k tơ iung bri dêh char Kon Tum tơ le\ch jang vă gơ\h đei jơ nei ‘lơ\ng thoi kơ pal, hă [ok?

-Tơl: Kiơ\ trong thu jên mưh io\k yoa cham char bri brăh sơ năm 2019 đei Dơ no\ an^h vei lăng kon pơ lei dêh char Kon Tum k^ ăn lơ\m Tơ drong tơ chơ\t kơ so# 66 năr 17/01/2019, ako\m đ^ đăng jên athei thu ’no\h 252,7 ti. Dôm khei blu\ng sơ năm 2019, yoa đei El Nino pơm tơ le\ch to\ phang pơ đang, ưh kơ măh đak [ơm ưh ’lơ\ng truh tơ\ dôm hnam kơ măy unh điên đei io\k yoa cham char bri brăh kơ na An^h mong jên vei lăng păng ato\k tơ iung bri dêh char tơ che\ng akhan, ro\ năng thu ưh kơ đei tôm kơ so# tơ le\ch.

Truh [ât hơ tuch sơ năm 2019, pơ hlom năng gô thu rơ kăh hlo\h kơ so# hơ găt, gơ\h đei thoi âu ’no\h yoa An^h mong jên vei lăng păng ato\k tơ iung bri dêh char Kon Tum adrin bơ\ jang ’lơ\ng 1,2 trong jang. Mă hơ dăh kơ chăng pơ gơ\r bơ\ jang, athei năm thu io\k jên hre đơ\ng io\k yoa cham char bri brăh păng jên kon ưh jang kla đơ\ng dôm sơ năm adrol ki truh dang ei păng hlôi thu đei kơ so# jên ’nâu. Mă 2 ’no\h hơ to\k tơ drong dăr hơ len, k^ pơ kăp hla ar hăm dôm an^h io\k yoa cham char bri brăh ’nao mât jang xa, lơ\m no\h đei dôm an^h io\k yoa đak đơ\ng dơ nâu đak pơ yoa ăn tơ drong jang kơ măy păng pơih xă tơ drong đei yoa. Mă 3 ’no\h kơ chăng bơ\ jang, athei An^h mong jên vei lăng păng ato\k tơ iung bri Việt Nam pơ truh jên vei lăng bri mă tơ tom.

- Ap^nh ih roi tơ băt trong jang păng dôm tơ drong vă jang mă An^h mong jên vei lăng păng ato\k tơ iung bri dêh char Kon Tum vă bơ\ jang lơ\m sơ năm ‘nao 2020 lăng?

-Tơl: Hơ nơ\ng che\p vei, tơ iung dôm tơ drong hlôi jang đei lơ\m sơ năm 2019, An^h mong jên vei lăng păng ato\k tơ iung bri dêh char vă ako\m jơ hngâm bơ\ jang 1,2 tơ drong jang tơm lơ\m sơ năm 2020 thoi âu:

Mă 1 ’no\h trong thu, kla jên sơ năm 2020 vă thu dang 271 ti hlak jên vă kla ăn dôm tơ ’ngla bri vei lăng păng ato\k tơ iung dang 360.000 ha bri lơ\m dêh char.

Mă 2 An^h mong jên vei lăng păng ato\k tơ iung bri dêh char Kon Tum vă hơ nơ\ng hơ to\k tơ drong jang tơ roi tơ băt, pơ hlôh đon ăn rim khul kơ dră pơ gơ\r tơ ring, tơ pôl pơ lei pơ la păng kon pơ lei oei xa tơ\ dêh char găh nơ năp jang athei pơm kiơ\ dôm tơ drong hơ găt đơ\ng khôi luơ\t lơ\m tơ drong vei lăng bri pơ ma atu\m păng trong kla jên mưh io\k yoa cham char bri brăh pơ ma adro# kiơ\ lơ trong jang pha ra băl.

Mă 3 kơ chăng, hơ nơ\ng jang hơ doi hăm dôm an^h jang kơ pal roi tơ [ôh ăn Dơ no\ an^h vei lăng kon pơ lei dêh char găh tơ drong che\p kơ\l, pơ gơ\r bơ\ jang kiơ\ trong kla jên mưh io\k yoa cham char bri brăh kiơ\ tơ drong hơ găt đơ\ng te\h đak păng lăp hăm rim tơ drong đei tơ\ tơ ring.

Mă 4 hơ nơ\ng chă hơ len năng, pơ ma đam, k^ pơ kăp hla ar kla jên đơ\ng io\k yoa cham char bri brăh hăm dôm an^h jang đei io\k yoa cham char bri brăh; pơ tho tơ [ôh, athei dôm an^h io\k yoa cham char bri brăh bơ\ jang mă ’lơ\ng hơ năp jang kơ dih mưh chih tơ roi, nôp jên đơ\ng io\k yoa cham char bri brăh vă mong ako\m tôch ai jên thu đơ\ng io\k yoa cham char bri brăh vă kla ăn dôm tơ ’ngla bri, đơ\ng no\h dôm tơ ’ngla bri gơ\h đei jên tơ le\ch ăn dôm tơ drong jang vei lăng păng ato\k tơ iung bri.

- Lei a, ap^nh pơ truh nơ\r hơ iă hăm dôm tơ drong jang đei đơ\ng An^h mong jên vei lăng păng ato\k tơ iung bri dêh char Kon Tum lơ\m sơ năm 2019. Hmach ăn An^h mong jên vei lăng păng ato\k tơ iung bri dêh char Kon Tum mât lơ\m sơ năm ’nao 2020 jang đei jơ nei ’lơ\ng hlo\h dơ\ng, jang ke\h rim tơ drong đei tơ le\ch. Bơ nê kơ ih ’măn jơ, tơ ge\ch pơ ma nuh hăm nhôn!

Amazưt hăm Dơ\ng: Tơ blơ\