VOV4.Bahnar - Năr 21/9/2021, Khŭl kơdră tĕh đak Italia tơroi tơbăt tơchơ̆t tơgŭm dơ̆ng 796.000 kơliêu vaccine AstraZeneca ăn kơ Việt Nam ‘moi kiơ̆ tơdrong jang COVAX vă tơgŭm djru ăn Việt Nam tang găn jĭ Covid-19. Tơchơ̆t ‘nao hlŏh au pơm hơtŏk pơgang vaccine mă Italia tơgŭm ăn Việt Nam hlŏh 1 trĭu 600.000 kơliêu, pơm ăn Việt Nam jing mĭnh lơ̆m dôm tĕh đak jang hơdoi đei sơng iŏk vaccine lơ hlŏh đơ̆ng Italia lơ̆m plei tĕh. Italia jei jing mĭnh lơ̆m rim tĕh đak jang lơ̆m khŭl Jơnŭm atŭm châu Âu (EU) tơgŭm lơ hlŏh ăn Việt Nam ‘moi kiơ̆ trong jang COVAX. ‘Nau jing tơdrong tơgŭm djru tôch gĭt kăl păng tơtom, tơbăt hơdăh jơhngơ̆m đon tơgoăt tơgoăl dĭh băl kơ Khŭl kơdră tĕh đak păng kon pơlei Italia hăm Việt Nam lơ̆m khei ‘năr tơnap tap. Hơdrol kơ ‘nŏh, năr 14/9/2021, Việt Nam hlôi sơng iŏk đei 812.060 kơliêu vaccine đơ̆ng Italia tơgŭm ăn tơdrong jang tang găn jĭ hơbŭh Covid-19.

Tơblơ̆ nơ̆r: Amazưt