VOV4.Bahnar  – Atŭm hăm bơngai pơlong jâ̆p teh đak, năr 7-7, hloh 19.800 'nu pơlong kơ dêh char Đăk Lăk yak ăh 'măng pơlong tôt ngĭp trung hŏk phôh thŏng xơnăm 2021 ('măng mă 1). Mă jing minh lơ̆m dôm tơring đei bơngai ƀơm jĭ Covid 19 mă lei gơnơm hơlen gơ̆t tơnăp pơrang jĭ noh bơngai pơlong, mĕ ƀă đe yĕt păng dôm bơngai vang jang ăn 'măng pơlong adoi xơđơ̆ng jơhngơ̆m, lui ngeh 'măng pơlong gô đei pơgơ̆r xơđơ̆ng, tơnăp, trŏ tơchơ̆t.

Tơ̆ anih pơlong hnam trưng trung hŏk phôh thŏng Lăk, thĭ trâ̆n Liên Sơn, apŭng Lăk, jing tơring hlôi đei 2 'nu ƀơm jĭ Covid 19, tôm bơngai pơlong hlôi đei test tenh păng đei pơkăp âm tĭnh, noh đe oh mơ̆t pơlong xơđơ̆ng jơhngơ̆m. Tôm bơngai pơlogn adoi chô̆ che gom ƀŏ. Vă vei xơđơ̆ng ataih băl, tang găn akŏm lơ bơngai minh anih, jơnŭm pơgơ̆r pơlong hlôi pơtruh khul jang y tê̆ truh 10 'nu chă hơlen pơkă hơyuh tŏ hơkâu jăn, pruih đak ôp ti pơlôch xơmach adrol kơ mơ̆t tơ̆ lăm pơlong. Atŭm hăm hơmet tơnăp tơdrong hlôh vao, dôm bơngai pơlong âu hlôi băt chă vei lăng xơđơ̆ng jơhngơ̆m jăn po.

Lan chih păng pơre nơ̆r