VOV4.Bahnar  – Lơ̆m 'năr mă blŭng iung jang hơlen kiơ̆ pơkăp vei xơđơ̆ng trong nơnăm, vei xơđơ̆ng tơpôl ăh khei lêh năr 30/4 - 1/5, vei xơđơ̆ng ăn tơdrong pôk rơih bơngai jang tang măt ăn Kuôk hô̆i jăl 15 păng jang tang măt lơ̆m Hô̆i đŏng kon pơlei dôm jăl jang đơ̆ng xơnăm 2021–2026, Kanh sat hơlen trong nơnăm jâ̆p teh đak hlôi hơlen, ƀôh băt xek tơlang jê̆ 9 rơbâu 'nu pơm yoch pơkăp vei xơđơ̆ng trong nơnăm; phak hăm jên jê̆ 10 tih hlj. Tơrĕk hloh noh, khul kơpal hlôi ƀôh băt păng xek tơlang hloh 600 'nu vơ̆r gre mă đei ƀuih xik lơ̆m hơkâu, 5 'nu pơm yoch găh ma tuy\. Găh trong gre treng, rim anih jang Kanh sat hơlen trong nơnăm hlôi tơlĕch lơ 'măng hơlen, băt hơdăh tơdrong jang vei xơđơ̆ng trong nơnăm tơ̆ hơnglăh 3, 5 tong gre treng vih vơ̆t chơ tơmoi; pơm kiơ̆ kơjăp dôm tơdrong tang găn păng tơjră Covid-19. Kơtă ăh pơgê năr (16/4), Khul hơlen trong nơnăm hlôi ƀôh 44 'nu vơ̆r gre yua ma tuy\ păng hram ƀuih xik lơ̆m hơkâu kơtă ăh 'năr blŭng pơm kiơ̆ pơkăp vei xơđơ̆ng trong nơnăm tơ̆ jăl trong tơm Hà Nội - Thái Nguyên. Kiơ̆ Tơchơ̆t 100/2019/NĐ - CP đơ̆ng Khul kơpal teh đak găh xek tơlang pơm glăi vei xơđơ̆ng trong nơnăm, trong gre treng, vơ̆r gre mă lơ̆m hơkâu đei kơchơ̆t ma tuy\, bơngai vơ̆r gre pơm yoch gô ƀơm hrŭ đơ̆ng 30 - 40 trĭ hlj, thu iŏk hl abar vơ̆r gre đơ̆ng 22 - 24 khei.

Lan chih păng pơre nơ\r