VOV4.Bahnar - Tơ drong apinh jet păng tơl nơ̆r apinh jet tơ̆ hop akŏm mă 2, Kuô̆k hô̆i jăl 15 vă pơ gơ̆r lơ̆m 2 năr 1 puăt, pơ tơm đơ̆ng pơ gê ‘nâu ‘năr 10/11. Đe ƀok Kơ dră đei: Kơ dră tơm vei lăng jang pơ gang Nguyễn Thanh Long, Kơ dră tơm vei lăng tơ drong jang xa, linh jĭ rơ ka păng tơ pôl Đào Ngọc Dung; Kơ dră tơm vei lăng pơ tho pơ hrăm Nguyễn Kim Sơn; Kơ dră tơm tơ lĕch nơ̆r sơ kơ̆t, tơ mât jên jang Nguyễn Chí Dũng gô iung tơl nơ̆r apinh đơ̆ng bơ ngai tang măt.

Tơ chĕng adrol pơ gê năr 5 (12/11) Thủ tướng Phạm Minh Chính vă tơ blang hơ dăh dơ̆ng dôm tơ drong đei ƀơm truh păng tơl nơ̆r apinh đơ̆ng dôm bơ ngai tang măt Kuô̆k hô̆i. Adrol jơ apinh jet, lơ bơ ngai tang măt Kuô̆k hô̆i păng bơ ngai tăh hla gô chang, ‘măng apinh jet âu rơ đăh ‘lơ̆ng, tơ lĕch đei lơ trong jang sơ đơ̆ng, ‘moi kiơ̆ tơ drong jĭ Covid-19; vă jang tơ iung ming dơ̆ng mŭk drăm, tơ pôl. Dôm tơ drong găh tang găn jĭ Covid-19 khei ‘năr âu ki păng trong jang đunh đai vă tang găn jĭ, ƀet vắc xin tơ̆ hơ năp kơnh đei lơ bơ ngai tang măt tôch tơ rĕk.

Dơ̆ng: Tơ blơ̆