VOV4.Bahnar – Jô̆ đơ̆ng 12 jơ 'năr dơ̆ng năr 19/7, dêh char Lâm Đồng athei 100% bơngai vơ̆r gre, bơngai tơgŭm jang lơ̆m gre chơ tơmam drăm ưh gơh vih tơ̆ unh hnam, mă athei oei tơ̆ anih pơkăp oei akŏm kơ dêh char, adrô̆ axong gre vih vơ̆t chơ tơmam drăm kăl, tơmam 'măn 'măn jang mŭk drăm đĕch mă lei athei pơm kiơ̆ pơkăp tang găn păng tơjră pơrang jĭ kiơ̆ tơdrong pơgơ̆r đơ̆ng dêh char Lâm Đồng.

          Atŭm hăm noh, bơngai vơ̆r gre, bơngai tơgŭm jang lơ̆m gre ăh chôt vih Lâm Đồng athei tơroi găh tơdrong vih vơ̆t kơ po tơ̆ anih hơlen tang găn păng tơjră pơrang jĭ Covid-19 păng athei oei ăh anih pơkăp oei akŏm kơyuơ Anih vei lăng kon pơlei apŭng pơkăp. Ưh gơh vih tơ̆ unh hnam, tơring kon pơlei oei xa vă tang găn tơdrong tơpoh pơrang jĭ ăn 'nhŏng oh păng kon pơlei pơla.

Lan chih păng pơre nơ̆r