Đơ̆ng ‘năr 2/6, dôm xăh, phường, tơring gĭt kăl vang pơgơ̆r khăm hơlen jơhngâm pran kiơ̆ khei, pơgơ̆r khăm đĕch, ưh đei iŏk jên ăn đe hơioh hơla kơ 6 sơnăm; hơtŏk tơdrong tơroi tơbăt, krao hơvơn kon pơlei vang năm khăm păng chih tơroi tôm tơdrong kiơ̆ nơ̆r hơgăt. Dôm hnam trưng oei jang hơdoi hăm hnam pơgang pơgơ̆r khăm hơlen jơhngâm pran ăn hŏk tro, vang tơgop bơ̆ jang đei tơdrong hơgăt đei pơjao.

Vă gơ̆h bơ̆ jang ‘lơ̆ng tơdrong ‘nâu, dêh char Lâm Đồng tơlĕch dang 200 ti hlak jên vă pơgơ̆r khăm đĕch, ưh đei iŏk jên ăn hlŏh 3,24 triu ‘nu kon pơlei lơ̆m sơnăm 2026. Lơ̆m noh, đon pơhnŏng truh khei 6 ‘nŏh khăm ăn vă jê̆ 1,26 triu ‘nu bơngai; kơsô̆ oei đei dơ̆ng vă khăm đang adrol kơ ‘năr 31/12/2026.