VOV4.Bahnar - Pơgê ‘năr brei (30/6), Jơnu\m bngai jang mir Dak Lak pơgơ\r hop ako\m bngai jang mir rơgei lơ\m tơdrong jang pơlong băt ‘mêm kơ teh đak ‘măng mă 3, xơnăm 2015. Lơ\m 5 xơnăm, dêh char Dak Lak đei hloh 300 rơbâu ‘nu kon pơlei pơm jang rơgei, tơgop xek axong tơdrong jang ăn hloh 20.200 ‘nu bngai jang. Rim unh hnam jang đei io\k yua đơ\ng 50 triu hlak jên truh 1 tih hlak jên rim xơnăm. Duh lơ\m 5 xơnăm kơ âu, đei hloh 15.500 unh hnam kon pơlei ato\k klaih đơ\ng hin dơnuh xđơ\ng tơdrong erih. Lơ\m hop ako\m, dôm bngai tang măt pơma dơnuh, tơroi dih băl găh trong jang tơnăp lơ\m chă hơvơn pơlong jang đơ\ng jơnu\m bngai jang mir; um ru\p choh jang xa rơgei găh tơplih hơdre\ch ‘long pơtăm, kon tơrong, mă hăt noh um ru\p jang đei io\k jơnei lơ.

Lan chih păng rapor