VOV4.Bahnar - Đơ̆ng rŏng 3 năr bơ̆ jang, năr 10/12, Jơnŭm vei lăng kon pơlei dêh char Dak lăk jăl X, jăl jang 2021-2026 hlôi Hop akŏm keh đang ‘măng mă Pêng hăm lơ tơdrong kăl păng pơgơ̆r pơtôch ‘Măng hop akŏm. ‘Moi kiơ̆ pơma dơnŭh, lăng hơlen tôm tong rim hla bơar tơbăt tơdrong jang, hla bơar pơtrŭh ăn, ‘Măng hop akŏm hlôi drơ̆ng mĭnh nơ̆r kơtang pơdrơ̆ng kiơ̆ 30 Tơdrong tơchơ̆t.

Lơm au lơ tơdrong tơchơ̆t gĭt kăl, tơgŭm ăn atŏk tơ iung mŭk drăm; jŏh ayŏ-tơpôl; sơđơ̆ng vei lăng tĕh đak, vei lăng tơring kơ dêh char nhen: Tơdrong tơchơ̆t găh trong vă jang atŏk tơ iung Mŭk drăm-tơpôl, sơđơ̆ng dơ̆ng kơ jăp vĕi lăng tĕh đak-vei lăng tơring sơnăm 2022; Tơdrong pơ prŏ vă jang găh tơ pơjing păng atŏk tơ iung pơlei tơm Buôn Ma Thuột trŭh sơnăm 2030, lăng trŭh sơnăm 2045; tơgŭm djru atŏk tơiung muk drăm tơpôl dêh char Dak Lăk jăl jang 2021- 2025. Iung pơma pơtôch ‘Măng hop akŏm, ƀok Y Vinh Tơr, Kơdră jang pơ gia Trung ương Đảng, Kơdră chĕp pơgơ̆r Jơnŭm vei lăng kon pơlei dêh char, Kơdră Khŭl kơdră tang măt Kuô̆k hôi dêh char Dak Lăk pơma hơdăh, rim tơdrong tơchơ̆t đei pơdrơ̆ng kiơ̆ tơ̆ ‘Măng hoap kŏm jĭ tôch gĭt kăl hăm tơdrong jang kiơ̆ jơnei tơdrong jang atŏk tơ iung muk drăm-tơpôl kơ dêh char sơnăm 2022 păng dôm sơnăm đơ̆ng rŏng.

Tơblơ̆ nơ̆r: Amazưt