VOV4.Bahnar - Pơgê năr 1/11, Kơ iĕng Thủ tướng Lê Văn Thành chĕp kơ̆l pơgơ̆r hop akŏm trư̆k tuyên găh tơdrong tơlĕch jang bơ̆ jang chưk tơnă tĕh păng tơmơ̆t jên jang ming man cham gre păr apŭng plĕnh tĕh Long Thành (Đồng Nai).

Hơnĭh ming man cham gre păr Long Thành.

Hla bơar tơbăt bơ̆ jang kơ Dơnŏ anĭh tơm vei lăng Trong gre nơnăm tơbăt, trŭh dang ei bơ̆ jang chưk tơnă tĕh vă pơm cham gre păr apŭng plĕnh tĕh Long Thành, lơ̆m 5.000 ha tĕh hlôi iŏk tơvĭh hlôi đei hlŏh 3.800 hecta jơnei vă jê̆ 77% trong tơlĕch jang. Tơnô̆ ming man dur pơgar sơlam jơnei 75% trong jang. Pơma pơtôch hop akŏm, Kơ iĕng Thủ tướng Lê Văn Thành tơbăt, ‘nau jing tơdrong vă jang gĭt kăl hlŏh jang kiơ̆ trong jang atŏk tơ iung hơnĭh jang vei lăng trong gre. Rim tơdrong tơchơ̆t đơ̆ng Trung ương jei sơkơ̆t hơdăh ‘nau jing tơdrong jang kăl păng kăl pơm keh đang lơ̆m sơnăm 2025. Mư̆h ming man keh đang gô pơjing đei trong jang hle ăn hơnĭh jang gre păr, pơm dă ƀiơ̆ trăp trĭn ăn pơlei tơm Hồ Chí Minh păng jing jơhngơ̆m pran atŏk tơ iung mŭk drăm kơ tơring, mă kăl ‘nŏh kơ dêh char Đồng Nai. Kơ yuơ lơ lŏh kăl pơm keh đang ƀlep nơ̆r pơkăp. Ƀơ̆t măt ăn jang keh đang chưk tơnă tĕh kiơ̆ trong chhơ̆ hơlau kơ Dơnŏ anĭh tơm vei lăng trong gre nơnăm vă dôm năr blŭng khei 1/2022 gô tơlĕch jang hloi.

Tơblơ̆ nơ̆r: Amazưt