VOV4.Bahnar - Kơsơ̆ năr 30/8, tơ̆ pơlei tơm Hồ Chí Minh, Kơ iĕng Thủ tướng Vũ Đức Đam atŭm hăm Khŭl bơ̆ jang gĭt kăl kơ Khŭl kơdră chĕp pơgơ̆r Tĕh đak găh jang kiơ̆ tang găn jĭ Covid-19 hlôi năm dăr lăng tơdrong jang khăm, ƀơk pơgang ming hơmet ăn bơngai jĭ Covid-19 tŏk bŏk ăn oei hơdrô̆, ming hơmet tơ̆ hnam. Lăp đơ̆ng rŏng dăr lăng tơ̆ Quận 11 păng Quận 8, Kơ iĕng Thủ tướng Vũ Đức Đam pơkă khei năr au ki tơ̆ rim tơring hlôi đei bơngai jĭ F0 jing jĭ ăl tôch kơ tĕnh koăng mă lei ư̆h kơ đei năm ngôi, chă khăm, ƀơk ăn pơgang tôm kơna hlôi lôch tơ̆ hnam. Kơ yuơ lơ lŏh, tơplĭh ăn lăp chă krao điên thoăi, khŭl ƀok thây pơgang ƀô̆ đô̆i kăl iung jang hơdoi hăm tơring hơnơ̆ng năm ngôi khăm hơlen ăn bơngai jĭ F0, mă kăl dôm ŭnh hnam ư̆h kơ đei hơ iŏh, bơngai đei jơhngơ̆m vei lăng năng tông ăn bơngai jĭ. Kơ iĕng Thủ tướng Vũ Đức Đam athei lơ̆m 24 jơ kơnh, khŭl ƀok thây pơgang ƀô̆ đô̆i kăl chĭh akŏm, tơroi tơbăt dôm tơdrong ƀơk pơgang ming hơmet jĭ ăn F0. Tơdăh đei pơgang mă lei tim mă văn năm trŭh hăm rim bơngai F0 lei năm hloi, tơdăh ư̆h kơ măh pơgang lei răt tơmơ̆t hloi.

Tơblơ̆ nơ̆r: Amazưt