VOV4.Bahnar - Kiơ̆ tơ drong jang ‘măng hop akŏm mă 2 Kuôk hô̆i jăl 15, pơ gê hei, 22/10, rim bơ ngai tang măt mơ̆ng Kơ dră Anih tơm vei lăng jên hu Hồ Đức Phớc, jang kiơ̆ nơ̆r athei đơ̆ng Thủ tướng teh đak tơ roi hla ar chih găh tơ drong jang Luơ̆t tĕch mơ dro ƀao hiêm ( hơ met ming) păng Kơ dră Anih tơm tơ lĕch nơ̆r sơ kơ̆t păng tơ mơ̆t jên jang Nguyễn Chí Dũng, jang kiơ̆ nơ̆r athei đơ̆ng Thủ tướng teh đak tơ roi hla ar chih găh vă pơ jing tơ drong tơ chơ̆t găh 1,2 trong jang, trong tơ gŭm hơ tŏk tơ iung đơ̆ng rim dêh char, pơ lei rơm: Hải Phòng, Nghệ An, Thanh Hóa păng Thừa Thiên Huế (tôch ai 20 pơ nĭt) Đang kơ ‘noh, Kuôk hô̆i gô mơ̆ng tơ roi tơ băt dăr hơ len dôm tơ drong ‘nâu. Kơ sơ̆ brei, 1 lơ̆m dôm tơ drong gĭt kăl đei rim bơ ngai tang măt pơ ma dơ nuh tơ̆ grŭp ‘noh jĭ tơ drong jang kiơ̆ trong jang tơ gŭm ƀao hiêm tơ pôl, vei lăng păng iŏk yua jên mong ƀao hiêm tơ pôl sơ năm 2020. Rim bơ ngai tang măt kuôk hô̆i păng bơ ngai joăt jang adoi akhan: kăl đei trong jang vă hơ tŏk iŏk yua đơ̆ng rim jên mong ƀao hiêm tơ pôl, ƀao hiêm ưh kơ đei tơ drong jang dang ei hlôi đei truh kơ sô̆ 953 rơ bâu ti hlak jên. Kŭm hăm ‘noh, kăl sek phak kơ tang tơ drong glăi klĕnh nôp, hiơ̆ kơ nôp jên ƀao hiêm tơ pôl.

Thuem: Tơ blơ̆