VOV4.Bahnar  – 'Năr brei (19/4), Anih jang găh dôm tơdrong Tơpôl kơ Kuôk hô̆i jang atŭm hăm Khul drăkăn tang măt ăn Kuôk hô̆i Việt Nam, Jơnŭm jang găh bơngai tang măt lơ̆m Anih juăt jang kơ Kuôk hô̆i pơgơ̆r Pơma đam tơring găh Tu "Drăkăn lĕch măt tơgar jang tang măt ăn Kuôk hô̆i, tang măt lơ̆m Hô̆i đŏng kon pơlei păng tơdrong hơtŏk hơtŏ hơnơ̆ng drŏnglo drăkăn". Kiơ̆ tơroi, kơsô̆ drăkăn jang tang măt ăn Kuôk hô̆i jăl 14 păng kơsô̆ drăkăn jang tang măt lơ̆m Hô̆i đŏng kon pơlei jăl jang xơnăm 2016 - 2021 pơđĭ ăh 3 jăl adoi lơ hloh jăl adrol ki mă lei duh tam mă trŏ pơkăp nhen 'meh vă. Kiơ̆ tơchơ̆t, kơsô̆ drăkăn jang tang măt ăn Kuôk hô̆i, tang măt lơ̆m Hô̆i đŏng kon pơlei athei vei xơđơ̆ng ăh 35%. Vă đei jơnei kơsô̆ drăkăn jang tang măt lơ hloh jăl jang adrol ki păng mă kăl, đei jơnei nhen 'meh vă noh jing minh tơdrong tơnap tap pơkăl athei đei trong jang pran kơtang, drơ̆ng minh, đei jơnei tơnăp kiơ̆ pơkăp chĭnh trĭ. Tơdrong kăp gĭt noh jing tơdrong adrin, kơ 'nôh đơ̆ng kơdih đe drăkăn jang tang măt ăn Kuôk hô̆i, jang tang măt lơ̆m Hô̆i đŏng kon pơlei.

Lan chih păng pơre nơ̆r