VOV4.Bahnar - Tơ\ jăl trong Hồ Chí Minh (jăl trong 14), găn apu\ng Chư\ Pah, dêh char Gia Lai ‘nao [ơm xar bar trong nơnăm hli hlơt đơ\ng gre tih chơ tơmam  hăm gre ko\ng no\ng pơm 5 ‘nu bngai lôch păng 9 ‘nu rơka hlăm. ‘Măng xar bar âu pơm ăn lơ bngai pơngơ\t kơ đon găh gre ko\ng no\ng. Mă lei tơdrong hơlen tơpă tơ\ tơring Tây Nguyên, tơdrong răm găh kon bngai păng mu\k drăm yuơ gre ko\ng no\ng pơm tơle\ch noh to\ xe\t hloh pơtêng hăm gre tih păng gre honđa. Tơdrong kăl jang noh athei vei hơlen gre ko\ng no\ng thoi yơ mă [lep?

Kon pơlei tơ\ pơlei Tơ Vơn 2, xăh Ia Khươl, apu\ng Chư Pah, dêh char Gia Lai duh oei pơngơ\t kơ đon đơ\ng ro\ng kơ ‘măng xar bar hli hlơt ăh kơmăng năr 27/11 âu ki đơ\ng gre tih chơ tơmam hăm gre ko\ng no\ng tơ\ jăl trong Hồ Chí Minh, pơm 5 ‘nu bngai lôch păng 9 ‘nu rơka hlăm. Kiơ\ nơ\r tơroi đơ\ng bngai vơ\r gre păng xkơ\t đơ\ng anih jang kpal kơ dêh char Gia Lai, noh bngai vơ\r gre tih chơ tơmam tep koi, ưh kơ đei hơlen kjăp gre oei vơ\r noh tơ\m he# ăh kie\ng gre ko\ng no\ng păng jing xar bar. Hơdăh noh, tong gre ko\ng no\ng păng dôm bngai hao lơ\m noh đe\ch răm. {ok Mai Văn Trọng oei tơ\ xăh Ia Khươl, apu\ng Chư\ Pah, dêh char Gia Lai yua gre ko\ng no\ng lơ xơnăm kơ âu ăn tơbăt: “Gre ko\ng no\ng âu noh nhôn kơdâu ăh jih trong đe\ch, ưh kơ kh^n kơdâu ăh tong ảe# trong ôh. Tơroi găh tơdrong hli noh adro# lu gre tih đe\ch, oei gre ko\ng no\ng noh kơdâu hơda, ưh kơ x^ kơdâu renh dôm j^t kxo# minh jơ ôh mă đei hli”

Dang ei, gre ko\ngno\ng duh oei jing gre yua lơ, kăp g^t hăm tơdrong choh jang xa tơ\ Tây Nguyên mă tam đei gre nai tơplih pơtăl. Trong pơkăp tơgu\m ăn kon pơlei jang mir tơplih gre ko\ng no\ng hăm gre nai xđơ\ng hloh tam mă đei io\k yua. Lơ\m kplăh noh tơ\ lơ tơring kơ dêh char Gia Lai pơma adro# păng Tây Nguyên pơma atu\m, jăl trong tih noh jing jăl trong tơm năm jang tơ\ mir. {ok RChom Mạnh, oei tơ\ pơlei Tơ Vơn 2, xăh Ia Khươl, apu\ng Chư Pah ăb tơbăt:“Mih ma duch nă adro# đei gre ko\ng no\ng vă chă vih vơ\t păng chơ tơmam pơm tơle\ch đei. Dang ei mă ka#m ko\ng no\ng vih vơ\t tơ\ jăl trong tih noh kon pơlei jing tơnap tap tơpă, ưh kơ băt io\k yă kiơ vă chơ bơ\n pho\ng, chơ cà phê păng chơ bngai jang”.

Tơblang găh dôm tơdrong xar bar đei [ôh tơ\ jăl trong Hồ Chí Minh noh, lơ tơdrong xar bar hli hlơt đei [ôhhăm gre tih chơ tơmoi păng chơ tơmam. mă tơdrong tơm noh yuơ kơdâu renh, ưh kơ đei hơlen kơchăng. ‘Măng xar bar tơ\ apu\ng Chư\ Păh, dêh char Gia Lai âu ki duh thoi ăi mơ\n. Lơ\m kplăh noh 2 xơnăm kơ âu, ja#p dêh char Gia Lai đei je# 40 ‘nu bngai lôch yuơ xar bar trong nơnăm, đei 6% lơ\m kxo# bngai lôch. Oei tơdrong xar bar trong nơnăm tơre\k truh gre ko\ng no\ng đei pơhlom 1%. Duh thoi noh tơ\ dêh char Dak Lak (tơje# dêh char Gia Lai), đơ\ng blu\ng xơnăm 2012 truh 5/2014 đei 38 ‘nu bngai lôch yuơ xar bar gre ko\ng no\ng, đei tơ\ hơla 5%. Thoi noh, pơtêng hăm gre tih chơ tơmoi păng chơ tơmam noh kxo# gre ko\ng no\ng xar bar to\ xe\t xot đe\ch, păng kxo# bngai lôch adoi to\ xe\t hloh mơ\n. Mă lei, anih jang kpal kăl đei trong jang vă vei hơlen kjăp hloh lơ\m tơdrong xek tơlang dôm bngai vơ\r gre ko\ng no\ng mă pơm yoch. Tơdrong ka#m gre ko\ng no\ng vih vơ\t rok trong tih noh ưh kơ ke\ jang keh ôh, mă kăl pơkăp hơdăh jơ vih vơ\t tơ\ jăl trong âu, hơdăh noh ka#m gre ko\ng no\ng kơdâu kiơ\ trong tih ăh kơmăng. Mă hlôi đei xkơ\t tơre\k truh gre ko\ng no\ng nhen: vei xđơ\ng kih thuơ\t, đei hla bar phep vơ\r gre păng ưh kơ gơh chơ bngai, mă lei tơdrong jang vei hơlen adoi oei lơ tơnap tap păng tam mă kjăp, noh adoi oei [ôh lơ tơdrong xar bar pơngơ\t kơ đon. {ok Bùi Văn Bẩy oei tơ\ th^ tra#n IaLy, apu\ng Chư\ pah yua gre ko\ng no\ng hlôi lơ xơnăm kơ âu xkơ\t:“Gre ko\ng no\ng âu adro# ‘măn chơ tơmam pơm jang đe\ch, ‘măn chơ pho\ng, chơ cà phê. Hăm tơdrong chơ kon bngai noh ưh kơ gơh ôh. Kơlih mă âu ưh kơ đei chih pơkăp đơ\ng teh đak, ưh kơ đei anih jang kpal yơ chih pơkăp ôh, ưh kơ đei xđơ\ng ăn tơdrong erih kơ dôm bngai hao lơ\m gre ko\ng no\ng”

          Kiơ\ tơdrong hơlen, ja#p dêh char Gia Lai dang ei đei hloh 25.000 tong gre ko\ng no\ng. Đơ\ng ro\ng kơ ‘măng xar bar hli hlơt ăh kơmăng năr 27/11 pơm 5 ‘nu bngai lôch păng 9 ‘nu rơka hlăm, rim anih jang kpal kơ dêh char oei hăt hot tơle\ch lơ trong jang hơlen tơnăp hăm kơloăi gre âu. {ok Nguyễn Hữu Quế, Kdră anih jang găh trong nơnăm dêh char Gia Lai ăn tơbăt:“Kiơ\ tơchơ\t, dang ei oei axong gre ko\ng no\ng vih vơ\t tơ\ dôm jăl trong đơ\ng hnam năm truh tơ\ mir vă pơm jang, oei vih vơ\t tơ\ trong tih noh ưh kơ gơh ôh. Vă vei xđơ\ng ăn vih vơ\t ăn kơ gre âu, pơm trong hiôk ăn kon pơlei pơm jang, nhôn đei hla bar pơkăl anih vei lăng kon pơlei dôm apu\ng xkơ\t kxo# gre ko\ng no\ng vih vơ\t tơ\ trong, bngai yơ vơ\r gre noh athei năm ho\k păng io\k [ằng vơ\r gre. Vă đơ\ng noh nhôn xkơ\t pơtho bngai vơ\r gre hlôh vao hloh găh kơluơ\t pơkăp păng đei axong hla bar phep vơ\r gre hạng A4 vă gơh vơ\r gre âu xđơ\ng kjăp nhen hlôi pơkăp”

          Tơpă tơ\ dêh char Gia Lai pơma adro#, Tây Nguyên pơma atu\m, gre ko\ng no\ng jing gre đei yua lơ kăp g^t hăm tơdrong choh jang xa. Tơpă ăn [ôh, pơtêng hăm dôm kơloăi gre nai, noh tơdrong xar bar tơre\k truh gre ko\ng no\ng noh to\ xe\t đe\ch. Tơdrong io\k jang kiơ\ dôm tơchơ\t hăm kơloăi gre âu noh kăl hơlen tơnăp kơ rim tơring mă tam mă đei gre pơtăl ăn kơ gre âu. Kiơ\ đơ\ng noh đei dôm trong jang tơnăp lơ\m vei hơlen, io\k yau gre ko\ng no\ng, vă kon pơlei drơ\ng nơ\r păng pơm kiơ\ tơnăp.

Lan chih păng rapor