VOV4.Bahnar– Pơgê năr (23/8), Trung đoàn Kanh sat kơ đŏng Tây Nguyên hlôi pơm lêh hơ 'nhăk hloh 100 kang ƀô̆, khul linh năm truh dêh char Bà Rịa - Vũng Tàu tơgŭm ăn dêh char âu tang găn păng tơjră pơrang jĭ Covid-19.

          100 kang ƀô̆ linh lơ̆m Trung đoàn kanh sat kơ đŏng Tây Nguyên hăm tôm tơmam drăm hlôi đei 5 tong gre chơ 'nhăk truh dêh char Bà Rịa - Vũng Tàu tơgŭm kon pơlei tơ̆ âu tang găn păng tơjră pơrang jĭ Covid-19. Thượng tá Diêm Công Toàn – Kơdră Trung đoàn Kanh sat kơ đŏng Tây Nguyên tơroi, “Kơyuơ jơhngơ̆m jăn, tơdrong erih kon pơlei noh kơpal hloh” hăm pơkăp “Tơjră pơrang jĭ nhen tơjră ayăt,” đe kang ƀô̆ linh xơkơ̆t âu jing xơnong jang iung tơblăh lơ̆m khei năr rơngei hiôk hian, jing xơnong jang hăm teh đak păng kon pơlei. Adrol kơ noh, 310 kang ƀô̆ linh kơ anih jang hlôi năm tơgŭm plei tơm Hồ Chí Minh vă jang xơnong thoi âu mơ̆n.

Lan chih păng pơre nơ̆r