VOV4.Bahnar - Pơ gê ‘năr (16/5), linh kon pơ lei apŭng achon đak dơ sĭ Trường Sa, dêh char Khánh Hòa hlôi năm pôk rơ̆ih Bơ ngai tang măt Kuôk hô̆i jăl 15 păng jơ nŭm pơ gơ̆r kon pơ lei rim tơ ring, jăl jang 2021-2026. Bơ ngai tăh hla tơ̆ 2 xăh achon đak dơ sĭ Sinh Tồn, Song Tử Tây păng thị trấn Trường Sa năm pôk rơ̆ih hrôih. Hơ drô̆ hơ nih tăh kơ phiê̆u găh thị trấn Trường Sa ( achon đak dơ sĭ Trường Sa Lớn) păng 3 hơ nih tăh kơ phiê̆u uơ oei dơ̆ng găh apŭng Trường Sa oei tơ̆ kông oei hơ nơ̆ng pơ gơ̆r pôk rơ̆ih kiơ̆ ƀlep khei ‘năr hơ găt ‘noh ‘năr 23/5. Dang ei, tơ ring achon đak dơ sĭ Trường Sa pơ tơm đei tŏ hŭl hang, lơ achon, hơ nih achon tơ ƀơ̆p lơ mơ mat tat lơ̆m oei sa. Linh păng kon pơ lei hlôi hơ met ‘lơ̆ng mơ mat tat, hơ met ‘lơ̆ng ăn tơ drong jang tăh kơ phiê̆u tơ̆ rim hơ nih pôk rơ̆ih pơ gơ̆r hiôk, ƀlep trong tơ lĕch jang. Lơ̆m pơ gê, lơ hơ nih achon hlôi jang đang tơ drong tăh kơ phiê̆u.

Thuem: Tơ blơ̆