VOV4.Bahnar  – Hăm tơdrong hơbuh hli hlơt đơ̆ng pơrang jĭ covid-19 lơ̆m kơpal teh, Jơnŭm pơgơ̆r teh đak hlôi tơlĕch trong "jang tơbôl vaccine" tenh kuăng hloh, tôm tong, pơkăp khŏm mă đei vaccine lơ hloh păng tenh kuăng hloh vă pơih xă ƀet pơgang bơ̆ng jĭ lơ̆m jâ̆p teh đak. Kiơ̆ Thư̆ trưởng Anih tơm jang tơbôl Nguyễn Minh Vũ, khei năr truh, Việt Nam gô hơtŏk pran jang tơbôl vaccine hăm 3 trong tơrĕk, atŭm hăm noh tơchă tơdrong tơgŭm ăn pơgang hơmet pơrang jĭ Covid-19. Thư̆ trưởng Anih tơm jang tơbôl Nguyễn Minh Vũ akhan: dang ei, trong jang vaccine păng "jang tơbôl vaccine" hlôi đei tơlĕch jang tơnăp lơ̆m lơ jăl phara băl, mă kăl noh ăh jăl kơpal hloh. Ƀok Nguyễn Minh Vũ ăn tơbăt: Hơbŏ lơ̆m khei 9 păng khei 10/2021, Việt Nam gô đei dơ̆ng 30 trĭu kơliu vaccine. Lơ̆m khei 9/2021 gô đei đơ̆ng 16  truh 17 trĭu kơliu pơtruh Việt Nam đơ̆ng dôm anih tơgŭm phara băl.

Lan chih păng pơre nơ̆r