VOV4.Bahnar - Khei 9 truh rŏ lăng gô tơ lĕch jang ƀet vắc xin Nano Covac yua đơ̆ng Học viện Quân y pơm tơ lĕch. Kơ tơ̆ng ang âu đei tơ lĕch tơ̆ Hop akŏm trực tuyến lơ̆m khŭl linh tơ lĕch jang hơ năp jang, trong jang kăl tang găn jĭ Covid 19 lơ̆m khŭl linh truh 187 hơ nih pơ dăh ti vi yua đơ̆ng Anih tơm vei lăng khŭl linh pơ gơ̆r pơ gê ‘năr 1/6. Tơ̆ hop akŏm, Trung tướng, GS.TS Đỗ Quyết, Kơ dră vei lăng Học viện Quân y tơ băt, kơ plăh tơ chĕng hơ len pơ long lăng vắc xin Nano Co vắc đơ̆ng Học viện hơ dai hăm hơ nih tơ gŭm Nanogen đei tơ lĕch jang sơ đơ̆ng, đei iŏk yua ‘lơ̆ng. Lơ̆m khei 6 âu gô pơ gơ̆r pơ long lăng jăl jang mă 3 hăm kơ sô̆ tơ mam tih, pơ long lăng hloh 13 rơ bâu ‘nu păng jang tơ̆ lơ dêh char, pơ lei tơm lơ̆m teh đak. Kiơ̆ kơ GS.TS Đỗ Quyết, đơ̆ng rŏng đei Jơ nŭm vei lăng jơ hngơ̆m đon ‘lơ̆ng teh đak pơ drơ̆ng kiơ̆ păng Anih tơm vei lăng găh jang pơ gang asong ăn tơ lĕch jang ‘noh lơ̆m khei 9 truh rŏ lăng gô pơ gơ̆r ƀet bơ̆ng vắc xin ‘nâu.

 Thuem: Tơ blơ̆