VOV4.Bahnar - Vă te\h đak jang to\k, tơ ge\ch io\k dôm tơ drong ‘lơ\ng ‘nao ‘no\h ưh gơ\h ưh pơm hơ to\k tơ drong pran ‘lơ\ng đơ\ng khoa ho\k, kơ măy kơ mo\k ‘nao kơ te\h đak. Păng Khoa ho\k, kơ măy kơ mok ‘nao j^ tơ drong ‘lơ\ng, j^ 1 trong jang vă Việt Nam jang to\k. ‘Nâu j^ nơ\r pơ ma đơ\ng Phó Thủ tướng Vũ Đức Đam lơ\m Lêh hơ păh tơ mam Trần Đại Nghĩa pơ gơ\r ‘năr (17/05), tơ\ Hà Nội.

Phó Thủ tướng Vũ Đức Đam hơ păh tơ mam ăn dôm bơ ngai jang khoa ho\k rơ gei

Tơ mam hơ păh Trần Đại Nghĩa vă pơ lung păng pôk pơ ư dôm bơ ngai jang khoa ho\k rơ gei hlo\h găh khoa ho\k bri brăh păng kơ măy kơ mo\k ‘nao, pơ gơ\r tơ mât yoa dôm tơ drong jơ nei ‘no\h vă tơ gop ăn tơ drong jang ato\k tơ iung mu\k drăm, tơ pôl păng vei lăng sơ đơ\ng te\h đak.

Sơ năm ‘nâu, tơ mam hơ păh đei hơ păh ăn 10 ‘nu bơ ngai jang khoa ho\k ‘no\h j^ bơ ngai chih pơ che\h 4 tơ drong tơ che\ng hơ len găh: kơ măy pơm vaccine tang găn j^ toi tơ\ ier bip type A/H5N1 tơ\ Việt Nam; kơ măy tơ gu\m tơ blăh ăn linh; kơ măy hơ met pơ ‘lơ\ng kơ chơ\t kơ ne# đơ\ng jang kơ măy păng jang pơ gang; tơ che\ng hơ len, pơm tơ le\ch hơ dre\ch [a ăn Tơ ring te\h tơ măn đak krong Cửu Long.

Dơ\ng: Tơ blơ\