VOV4.Bahnar - Khôi xoi tơbeh kơ yang bri đơ\ng bngai hdrung Giáy hlôi đei đơ\ng xơ\ ki. Kon pơlei lui xoi tơbeh kơ yang bri vă bri tơgu\m vei vêr kon bngai, apinh ăn kơ pơlei pơla xo# xôn xđơ\ng... Khôi xoi tơbeh kơ bri đei chăl yă [ok pơ djoi ăn kon xâu khe\ dang ei vă pơtho kon xâu băt vei lăng bri.

        Rim xơnăm, truh ăh năr 2 khei 2 âm lịch, kon pơlei bngai Giáy tơ\ pơlei Nặm Loỏng, tơring Quyết Thắng, plei tơm Lai Châu pơgơ\r et xoi tơbeh kơ bri. Kiơ\ kon pơlei noh, xoi tơbeh kơ bri oei đei hơnăn “Tu tỉ ”, khôi âu đei đơ\ng kră xơ\, đei kon pơlei răk vei kiơ\ lơ hnưr chăl kon xâu. Rim pơlei kơ bngai hdrung Giáy adoi đei minh tơring bri tơm (bri ka#m) ưh kơ đei bngai yơ gơh kơdih mơ\t le\ch koh ot ‘long bri. Kon pơlei lui xơnăm mă yơ duh athei xoi tơbeh kơ bri tơm âu vă apinh ăn kon pơlei grăng pran xơnêp xơnoa, rong kon tơrong ưh kơ đei pơrang pơre#ch, jang [a hơ[o đei yua răk [enh xum... Yă Giào Thị Mý oei tơ\ pơlei Nặm Loỏng, tơring Quyết Thắng, plei tơm Lai Châu ăn tơbăt: “Pơlei pơkăp bri ka#m ưh kơ ăn bngai mơ\t lơ\m bri noh, ưh kơ axong koh ot ‘long bri, bngai yơ lơ\m pơlei koh ot ‘long mă lơ\m pơlei băt noh athei rôp păng phak hru\ hăm jên io\k jên noh vă pơkra xoi tơbeh kơ bri

Lơ\m bri ka#m, kon pơlei rơih tơring teh tơmăn ‘lơ\ng tơ\ hơla tơm ‘long tih, pơjâu noh jing bngai mă kon pơlei lui yom atu\m hăm tơdăm lơ\m pơlei ‘nhăk nhu\ng, ier truh tơ\ bri [uh vă xoi tơbeh kơ yang. Mă kăl noh pơmai oh drăkăn ưh kơ gơh vang jang tơdrong âu. Kơxêng ‘măn tơmam xoi tơbeh athei đei tơyông, hơlăk păng pơkao plei ‘long, [anh đei kon pơlei tơgop vă xoi ăn kơ yang bri. Đơ\ng ro\ng kơ [uh nhu\ng đang, ier ơ\p x^n, kơxeng ‘măn tơmam xoi tơbeh đei hơmet tôm, pơjâu xoi tơbeh kơ yang, xoi kơ yang đang noh rim bngai atu\m ako\m vă xkat apinh ăn rim bngai gơh grăng hơkâu, erih xơnêp xơnoa. Pơmai Giào Thị Kiều, oei tơ\ pơlei Nặm Loỏng, tơring Quyết Thắng, plei tơm Lai Châu ăn tơbăt: “Xoi tơbeh kơ yang bri noh vă apinh ăn kon pơlei gơh grăng pran, vă to# ‘mi xđơ\ng ‘lơ\ng, pơyan jang đei yua lơ, ‘long pơtăm giơng ‘lơ\ng, xoi kơ yang bri vă rim bngai atu\m băl hlôh vao vei hơlen bri, vei vêr thong hơbong đak”  

Truh ăh năr 3 khei 3 âm lịch kon pơlei pơgơ\r xoi tơbeh kơ yang bri ‘măng mă 2. Lơ khôi adoi oei đei kon pơlei io\k yua noh xoi kơ yang bri ăh năr 2. Kiơ\ kơ mih ma duch nă lơ\m pơlei, xoi kơ bri ‘măng mă âu noh vă hơmet ăn pơyan jang rei pơtăm, hơpơi ăn ‘mi kial xđơ\ng. Xoi tơbeh kơ bri vă đei đak ăn kon pơlei choh pơtăm gơh xđơ\ng ‘lơ\ng. {ok Giào Văn  Hiến  oei tơ\ pơlei Nặm Loỏng ăn tơbăt:“Khei 2 xoi kơ yang bri bơih, mă lei truh khei 3 noh hơmet rei pơtăm noh kon pơlei pơtoi xoi pă ‘măng dơ\ng vă kon pơlei pơm jang đei lơ găr [a, hơ[o, [um. Xoi tơbeh kơ yang bri vă tơbăt kơ kon xâu atu\m hăm vei lăng bri, đei bri noh pơtơm đei đak vă choh jang”

Đang kơ lêh xoi tơbeh, rim bngai ako\m xoi kơ yang bri atu\m ako\m et xa păng ‘nhăk to\ xe\t tơmam xoi vih ăn unh hnam. Lơ\m dôm năr xoi kơ yang bri noh kon pơlei đei khôi ka#m ưh kơ ăn bngai đơ\ng ‘ngoaih mơ\t tơ\ pơlei, ưh kơ đei koh ‘long bri, mưh bngai yơ pơm glăi mă tro\ [ôh rôp noh athei hru\ nhen pơkăp atu\m kơ pơlei păng athei pơkra pơ ‘lơ\ng. Truh dang ei dôm tơring bri ka#m kơ pơlei pơla hơnơ\ng đei kon pơlei vei lăng tơnăp, kon pơlei băt hơdăh ưh kơ gơh koh ot ‘long lơ\m bri tơm âu, bri tơm âu hơnơ\ng [enh kơ ‘long dơnơm jơk [l^k. (Lan tơblơ\ nơ\r Bahnar)