VOV4.Bahnar  – Tơdrong jĭ Covid-19 tơ̆ lơ teh đak lơ̆m kơpal teh, mă hăt noh dôm teh đak lơ̆m tơring nhen Ấn Độ, Thái-lan, Lào, Cam-pu-chia tŏk bŏk oei hơbuh hli hlơt; kơsô̆ bơngai ƀơm jĭ 'nao, kơsô̆ bơngai lôch lơ̆m minh năr tŏk lơ, Thủ tướng teh đak 'nao kĭ tơbang Hla bar kăl găh hơtŏk pơm kiơ̆ pơkăp tang găn păng tơjră jĭ COVID-19 pơtruh ăn dôm anih jang tơm, anih jang mă Jơnŭm pơgơ̆r teh đak vei lăng; Anih vei lăng kon pơlei dôm dêh char, plei tơm. Hloh kơ lai yơ pơkăl dôm anih jang đei tơrĕk păng jơnŭm pơgơ̆r tơring athei đei dôm trong jang trŏ ƀlep păng đei jơnei vă tang găn tơdrong tơpoh jĭ lang xă. Rim anih jang tơm, rim tơring athei pơm kiơ̆ ƀlep tơdrong pơkăl đơ̆ng Thủ tướng teh đak, hơtŏk kơchăng hăm tơdrong tơpoh jĭ; hơtŏk xơnong jang hăm bơngai chĕp kơ̆l, pơm kiơ̆ kơjăp, drơ̆ng minh dôm trong tang găn păng tơjră pơrang jĭ hlôi tơlĕch hăm trong pơkăp “tang găn hăt hot, ƀôh băt hrôih, tơklăh oei pha tơnăp, hơmet jĭ đei jơnei, xek tơlang tơtom, tenh kuăng vă xơđơ̆ng tơpôl”. 

Lan chih păng pơre nơ̆r