VOV4.Bahnar - Anih bơ̆ jang kơ khŭl chĕp kơ̆l pơ gơ̆r jang Trung ương găh tang găn ‘mi kial pơ răm đei Hla ar gơ̆ih kơ Anih pơ gơ̆r jang tang găn ‘mi kial pơ răm păng tơ chă dŏng sar bar rim dêh char, pơ lei tơm tơ ter đak dơ sĭ đơ̆ng Quảng Ninh truh Bình Thuận păng tơ ring găh tu; rim anih tơm vei lăng găh choh jang sa păng hơ tŏk tơ iung tơ ring tơ rang, jang pơ gang, khŭl linh, Kŏng an, trong nơ năm gre kơ dâu păng kơ măy kơ mŏk mơ dro sa tơ lĕch jang rim trong jang khŏm tơ jră hăm kial hơ bŭt đei hơ năn apŭng plĕnh teh Con son păng ‘mi tih. Tơ drong tơm lơ̆m hla ar athei Anih pơ gơ̆r tang găn ‘mi kial pơ răm păng tơ chă dŏng sar bar rim Anih tơm, anih jang, tơ ring ‘nao tơ roi athei dăr hơ len trong jang tơ jră păng tơ lĕch jang tơ drong jang tang găn ‘mi kial pơ răm lơ̆m khei ‘năr jĭ hơ buh Covid 19 kiơ̆ athei đơ̆ng Thủ tướng teh đak, mă loi ‘noh jĭ trong jang tơ klăh vei sơ đơ̆ng mưh đei ƀôh kial hơ bŭt jăng, đak lơ̆p tih, đak lŏk jroh, teh hơ lih păng vei sơ đơ̆ng tang găn jĭ păng sơ đơ̆ng ăn rim hơ nih tơ klăh.

Thuem: Tơ blơ̆