VOV4.Bahnar - Kơsơ̆ brei năr 5/7, Khŭl bơ̆ jang kơ Dơnŏ anih tơm vei lăng jang pơgang kơ yuơ Kơ iĕng kơdră chĕp pơgơ̆r hơnĭh au Đỗ Xuân Tuyên pơm Kơdră khŭl hlôi đei jơ bơ̆ jang dăr lăng jang tang găn jĭ Covid-19 tơ̆ dêh char Phú Yên. Khŭl bơ̆ jang hlôi dăr lăng jang tang găn jĭ Covid-19 tơ̆ hơnĭh ăn oei hơdrô̆ akŏm tơ̆ phương Phú Đông, pơlei tơm Tuy Hoà; Dăr lăng bơ̆ jang khăm ming hơmet ăn bơngai jĭ Covid-19 tơ̆ hnam pơgang pơm pơ gia tơ̆ thĭ xah Đông Hòa; Dăr lăng bơ̆ jang vat tơring, ăn oei hơdrô̆ tơ̆ phương 1, pơlei tơm Tuy Hoà. Hlŏh đơ̆ng dăr lăng, Kơ iĕng kơdră chĕp pơgơ̆r Dơnŏ anĭh tơm jang pơgang Đỗ Xuân Tuyên hơlen, dêh char Phú Yên hlôi tơlĕch jang kiơ̆ tôm tong rim tơdrong tơchơ̆t găh tang găn jĭ Covid-19. Ƀok Đỗ Xuân Tuyên pơkă, dêh char Phú Yên păng rim tơring ư̆h kơ gơ̆h pơhơi tơ̆ hơnăp tơdrong jĭ jăn hrei au; kăl iung jang tang găn hloi pơrang jĭ kiơ trong jang “4 kơtă”.

Tơblơ̆ nơ̆r: Amazưt