VOV4.Bahnar - Khu\l bơ\ jang tang găn sa pơ j^p kơ Trung ương yua đơ\ng Đại tướng Tô Lâm – bơ ngai jang lơ\m an^h tơm Ch^nh tr^, kơ dră an^h tơm vei lăng Ko\ng an pơm kơ dră khu\l bơ\ jang hăm Khu\l che\p kơ\l pơ gơ\r an^h jang Đảng de#h char  Kon Tum. Khei ‘năr âu ki, an^h jang Đảng de#h char Kon Tum bơ ngơ\t tru\h che\p kơ\l, tơ tom tơ le\ch ăn rim tơ drong jang, trong tơ le\ch vă jang, pơm hơ dăh ‘lơ\ng rim trong jang đơ\ng Trung ương Đảng găh tơ drong jang tang găn sa pơ j^p, brăh brư tơ klep hăm jang kiơ\ hơ năp jang hơ to\k tơ iung mu\k drăm – tơ pôl, vei sơ đơ\ng te\h đak, sơ đơ\ng tơ drong ch^nh tr^ lơ\m tơ ring.

Tơ drong jang chă [o#h, sek phak pơm glăi, pơm yoch găh sa pơ j^p, mu\k drăm đei lăng kăl, mă loi ‘no\h j^ lơ\m tơ drong jang hơ len lăng Đảng, dăr hơ len rim ‘măng dăr lăng mu\k drăm – tơ pôl păng tơ drong tơ kêng, dăr hơ len 1,2 tơ drong sa pơ j^p. Hơ dai hăm ‘no\h, de#h char ku\m bơ ngơ\t tru\h jang kiơ\ rim trong jang tang găn sa pơ j^p, mă loi ‘no\h j^ tơ drong jang hơ met ming bơ\ jang, rơ đăh, tơ păt păng jang tơ năp tơ blang hơ dăh lơ\m tơ drong jang đơ\ng rim an^h jang, khu\l jang… io\k đei lơ jơ nei ‘lơ\ng.

Thuem: Tơ blơ\