VOV4.Bahnar - Kơ sơ̆ 30/11, Khul dăr hơ len 138 đơ̆ng Anih tơm Chinh trĭ yoa yă Trương Thị Mai, Kơ dră jang lơ̆m Anih tơm Chinh trĭ, Bí thư Trung ương Đảng, Kơ dră Anih pơ gơ̆r Trung ương chĕp kơ̆l đei jơ bơ̆ jang hăm Đảng Khul Kuô̆k hô̆i găh tơ drong chĕp kơ̆l, pơ gơ̆r tơ chĕng hơ len, hŏk pơ hrăm, hlôh vao, roi tơ băt, tơ lĕch jang kiơ̆ tơ drong Tơ chơ̆t đơ̆ng Hop akŏm lơ̆m tĕh đak ‘măng mă 13 kơ Đảng. Kơ dră Kuô̆k hô̆i Vương Đình Huệ, Bí thư Đảng khul Kuô̆k hô̆i vang pơ gơ̆r jơ bơ̆ jang.

Pơ ma lơ̆m jơ bơ̆ jang, Kơ dră Kuô̆k hô̆i Vương Đình Huệ, Bí thư Đảng khul Kuô̆k hô̆i lăp đon, tơ chĕng ‘lơ̆ng hla ar chih tơ roi đơ̆ng Khul dăr hơ len; atŭm hăm ‘nŏh akhan, tơ drong dăr hơ len hơ nhăk ba lơ tơ drong ‘lơ̆ng, kiơ̆ đơ̆ng noh pơm hơ tŏk đon hlôh vao găh tơ iung pơ jing Đảng đơ̆ng Đảng khul, Đảng ƀô̆ anih jang kơ Kuô̆k hô̆i kŭm nhen dôm anih jang đảng păng khul jang đảng găh sư. Tơ drong dăr hơ len oei tơ gŭm ăn Đảng khul hlôh vao hơ dăh dôm tơ drong hlôi jang đei, kŭm nhen dôm tơ drong tam mă ‘lơ̆ng vă hơ met ming tơ̆ hơ năp kơnh.

Dơ̆ng: Tơ blơ̆