VOV4.Bahnar - Kơ sơ̆ 5/8, Khul dăr hơ len kơ sô̆ 143 đơ̆ng Ƀan Bí thư yoa ƀok Nguyễn Trọng Nghĩa, Bí thư Trung ương Đảng, Kơ dră chĕp kơ̆l Ƀan Tuyên giáo Trung ương chĕp kơ̆l đei jơ bơ̆ jang hăm Khul kơ dră chĕp kơ̆l Đảng Công an Trung ương. Tơ drong tơm đei dăr hơ len akŏm lơ̆m 2 tơ drong tih, kŭm jing 2 tơ drong tôch gĭt kăl lơ̆m tơ drong tơ iung pơ jing Đảng, ‘nŏh jĭ Tơ drong tơ chơ̆t Trung ương 4 (jăl XII) păng Tơ drong hơ găt kơ sô̆ 08 găh hơ năp jang tơ ƀôh trong chong glung.

Ƀok Nguyễn Trọng Nghĩa pơ ma lơ̆m jơ bơ̆ jang

Yoa thoi nŏh, athei hơ tŏk đon jang tơ năp, kơ chăng tơ blăh, đei đon tơ bral kơ dih vă rim Anih jang đảng mă khul truh bơ̆ jang đei bơ̆ jang tơ păt ‘lơ̆ng, tơ bral kơ dih, hơ len năng tơ̆ rim anih jang đảng, khul kơ dră chĕp kơ̆l đảng, mă loi ‘nŏh ƀok kơ dră chĕp kơ̆l păng dôm bơ ngai jang lơ̆m Khul kơ dră pơ gơ̆r. Kơ dră chĕp kơ̆l Ƀan Tuyên giáo Trung ương Nguyễn Trọng Nghĩa lui, hăm đon pơ hnŏng bơ̆ jang tôch ai, anih jang Đảng Công an Trung ương păng Khul dăr hơ len gô bơ̆ jang tơ păt ‘lơ̆ng, rơ gei păng trŏ hăm tơ drong hơ găt đơ̆ng Đảng.

Dơ̆ng: Tơ blơ̆