VOV4.Bahnar - Khul dro\ kăn dêh char Dak Nông ‘nao jang hơ doi hăm An^h tơ le\ch trong tơ gu\m – khôi luât păng An^h vei lăng hơ dre\ch kon kông – Tơ drong lui khop (găh Khul dro\ kăn Việt Nam) pơih lăm pơ tâp pơ hrăm găh tơ drong jang hơ dre\ch kon kông – Tơ drong lui khop păng hơ to\k đon hlôh vao khôi luât ăn 80 ‘nu kăn [o# Khul dro\ kăn tơ\ tơ ring.

Lơ\m 4 năr, dôm bơ ngai năm ho\k đei pơ tho găh dôm tơ drong: Dăr lăng păng tơ blang tơ [ôh tơ pôl kiơ\ tơ drong Tơ chơ\t 217 đơ\ng An^h tơm Chinh tr^; Luât io\k u\nh om chom go\ păng Hnam tơ no\, luât {ao hiêm Y te#; Tơ drong tơ chơ\t 39/2015/ND-CP chih găh tơ drong tơ gu\m ăn dro\ kăn tơ nu\h bơ ngai kon kông mưh rơ ne\h kon tro\ tơ drong tơ chơ\t đơ\ng te\h đak; M^nh [ar tơ drong găh lui khop păng trong jang kiơ\ trong vei lăng tơ drong lui khop đơ\ng Đảng, Te\h đak bơ\n; Tơ drong tơ gu\m ăn kon kông păng tơ drong jang găh hơ dre\ch kon kông đơ\ng Đảng, Te\h đak bơ\n; Tơ drong krao hơ vơn dro\ kăn bơ ngai kon kông, dro\ kăn kiơ\ lui khop hrei ‘nâu; trong pơ ma xa mưh bơ\ jang krao hơ vơn đe dro\ kăn bơ ngai kon kông, dro\ kăn kiơ\ lui khop; M^nh [ar tơ drong [ơm truh tơ drong vei sơ đơ\ng chinh tr^ păng sơ đơ\ng tơ pôl tơ\ dêh char Dak Nông.

Dơ\ng: Tơ blơ\