VOV4.Bahnar - Jĭ 1 lơ̆m dôm tơ drong jang tơ băt 91 sơ năm Năr pơ jing Khul drŏ kăn Việt Nam păng năr Drŏ kăn Việt Nam 20/10, tơ̆ plt Kon Tum, Khul drŏ kăn dêh char Kon Tum pơ gơ̆r hop akŏm tơ gŭm ăn drŏ kăn iung jang xa, tĕch mơ dro, pơ jing hơ năn tơ mam ăn dôm tơ mam OCOP păng pơ tôch tơ drong thi drŏ kăn iung jang xa rơ gei sơ năm năm 2021.

          Roi tơ băt tơ mam đơ̆ng iung jang xa kơ đe drŏ kăn Kon Tum tơ̆ hop akŏm 

Đơ̆ng rŏng 4 sơ năm bơ̆ jang tơ drong “Tơ gŭm ăn drŏ kăn iung jang xa đơ̆ng 2017-2025”, đei 9 tơ drong tơ chĕng iung jang xa đơ̆ng drŏ kăn Kon Tum iŏk đei tơ mam hơ păh lơ̆m tơ dỏng thi iung jang xa yoa Trung ương Khul drŏ kăn Việt Nam pơ gơ̆r; dôm khul grŭp lơ̆m dêh char tơ guăt băl, bơ̆ jang đei 30 tơ drong tơ chĕng iung jang xa; dôm bơ ngai jang, drŏ kăn vang pơ jing đei 34 tơ mam OCOP kơ dêh char. Tơ̆ hop akŏm, lơ nơ̆r pơ ma đơ̆ng bơ ngai tang măt pơm hơ dăh hlŏh dơ̆ng trong tơ gŭm ăn drŏ kăn iung jang xa; chih iŏk tơ drong kăl mưh chă anih răt tơ mam, tơ lĕch trong tĕch mơ dro, roi tơ băt ăn tơ mam drăm đơ̆ng iung jang xa.

Dơ̆ng: Tơ blơ̆