VOV4.Bahnar - Kơ sơ̆ 23/3, tơ̆ plt Đà Lạt, kơ dră chĕp kơ̆l 10 Khul drŏ kăn găh Tơ ring pơ jei băl kơ dôm dêh char tơ ter đak dơ sĭ tơ ring Tŏk bŏk păng Tây Nguyên vang hop akŏm kĭ pơ kăp hla ar pơ jei băl sơ năm 2021.

Tơ drong tơm vă bơ̆ jang atŭm đơ̆ng Tơ ring ‘nŏh drơ̆ng nơ̆r kĭ pơ kăp pơ jei băl sơ năm 2021, ‘nŏh jĭ pơ gơ̆r lơ tơ drong jang hơ iă kơ Hop akŏm bơ ngai tang măt drŏ kăn rơ gei jơ̆p tơ ring hăm tơ drong jang tơ băt năr pơ jing Khul drŏ kăn Việt Nam păng Năr Drŏ kăn Việt Nam, năr Unh hnam Việt Nam, khei bơ̆ jang kơ tĕh đak găh tang găn tĕh dong lơ̆m hnam tơ nŏ sơ năm 2021.

Khul drŏ kăn dôm dêh char tơ ter đak dơ sĭ tơ ring Tŏk bŏk păng Tây Nguyên tơ iung jơ hngâm pran, tơ guăt 1 ƀơ̆r đon, drơ̆ng nơ̆r tơ lĕch jang ‘lơ̆ng dôm tơ drong đei pơ kăp tơ̆ anĭh jang, tơ ring tơ rang păng dôm tơ drong pơ jei băl atŭm kơ Tơ ring, tơ gop pơ jing Khul drŏ kăn Việt Nam roi đunh roi pran kơ jăp.

Dơ̆ng: Tơ blơ̆