VOV4.Bahnar -  Anih jang ‘Long pơglang brê dêh char Đăk Lăk ‘nao tơbang tơ iung pơjing khul gre kơdâu renh vă tơgŭm ăn tơdrong jang tang găn păng tơjră pơrang jĭ Covid-19. Kiơ̆ kơ noh, Khul gre đei 8 ‘nu jang, kơyuơ ƀok Trần Văn Hùng, Phŏ Kơdră Kâu lak ƀô̆ Gre ƀan tải dêh char Đăk Lăk pơm Kơdră Khul.

Khul gre vang tơgŭm chơ ‘nhot, ƀum plei ‘long, tơmam drăm kăl ăn tơdrong jang tang găn păng tơjră pơrang jĭ Covid-19 lơ̆m tơring kơ dêh char Đăk Lăk kiơ̆ tơdrong axong pơm jang đơ̆ng Anih jang ‘Long pơglang brê. Truh dang ei, Khul hlôi pơm jang hăm 10 tong gre akŏm, păng dang ei khul oei chă chơ kơƀĭn oxy truh dôm hnam pơgang tơdăng păng pơtoi yak hadoi hăm Anih jang tơgŭm kon pơlei tơ̆ dêh char Đăk Lăk.

 Lan chih păng pơre nơ̆r