VOV4.Bahnar - Bơ̆ jang tơ drong jang hơ len lăng đơ̆ng Anih tơm Chĭnh trĭ păng Ban Bí thư sơ năm 2021, kơ sơ̆ ‘năr 7/12, tơ̆ anih jang Khŭl kơ dră teh đak, Khŭl hơ len lăng kơ Anih tơm Chĭnh trĭ bơ̆ jang hăm khŭl chĕp kơ̆l Đảng teh đak găh pơ tôch chĕp kơ̆l, pơ gơ̆r tơ drong tơ chĕng hơ len, hŏk pơ hrăm, vei kơ jăp, tơ roi tơ băt, pơm hơ dăh ‘lơ̆ng păng tơ lĕch jang kiơ̆ Tơ chơ̆t Hop akŏm bơ ngai tang măt lơ̆m teh đak ‘măng mă XIII kơ Đảng. Ƀok Phạm Minh Chính, Thủ tướng teh đak; ƀok Phan Đình Trạc, Bí thư Trung ương Đảng, Kơ dră Ban Nội chính Trung ương, Kơ dră Khŭl hơ len lăng kơ Anih tơm Chĭnh trĭ, vang pơ gơ̆r jơ bơ̆ jang. Tơ̆ jơ bơ̆ jang, ƀok Phan Đình Trạc tơ băt, Khŭl gô akŏm hơ len lăng tơ drong jang chĕp kơ̆l pơ gơ̆r, tơ chĕng hơ len, hŏk pơ hrăm, vei kơ jăp, tơ roi tơ băt, pơm hơ dăh ‘lơ̆ng păng tơ lĕch jang kiơ̆ Tơ chơ̆t Hop akŏm XIII kơ Đảng. Thủ tướng Phạm Minh Chính pơ ma hơ dăh, hơ len lăng, dăr lăng ‘noh jĭ 1 lơ̆m dôm trong jang chĕp kơ̆l đơ̆ng Đảng, Khŭl kơ dră teh đak lăng ƀôh ‘nâu jĭ tơ drong jang tôch kơ kăl vă jang kiơ̆ trong jang đơ̆ng Đảng, hơ găt đơ̆ng khôi luơ̆t, athei đơ̆ng rim kơ dră chĕp kơ̆l Đảng, teh đak, tơ drong jang, tơ năp jang đei pơ jao iŏk đei jơ nei ‘lơ̆ng hloh.

Thuem: Tơ blơ̆