VOV4.Bahnar - Pơ ‘nam ho\k hơlen, atu\m hăm gơh rơgei, hơpơi hơto\k kơjă tơmam drăm đơ\ng cham char đei lơ\m tơring, khul hơdruh tơ\ Đak Lăk hlôi kh^n jang kiơ\ tơdrong kơche\ng te\ch pơdro. Đơ\ng noh pơjing đei tơmam drăm kăp g^t [enh kơ um ai tơring tơrang păng hlôi đei măt tơ\ lơ tơring đei bơngai răt yua tôch bơnê.

Dôm tơmam vei ‘lơ\ng hăm jơhngơ\m jăn, tơdrong guăng đei đơ\ng cham char hơnơ\ng jing tơdrong rơih io\k mă blu\ng đơ\ng bơngai răt yua. Băt hơdăh tơdrong mă noh, pơmai Phạm Thị Thu Hằng tơ\ xăh Ea Kly, apu\ng Krông Pach, bơngai pơjing đei hơnăn Pam’s, hlôi ‘măn đon bơnôh vă pơjing đei phơ\m bơ\ đơ\ng dôm tơmam hlôi đei kơ Tây Nguyên nhen: cà phê, chăn yei, xal xut, mă kăl noh đơ\ng plei [ơr.

Dang ei, Pam’s đei 5 kơloăi phơ\m bơ\ đơ\ng plei ‘long ‘măn pơguăng hơkar. Rim kơloăi phơ\m đei bơ\ phara băl kiơ\ kơ hơkar, kiơ\ tơdrong lăp păng tơdrong ‘meh răt đơ\ng tơmoi. Tơroi găh tơdrong yua plei [ơ\r vă bơ\ phơ\m,  Phạm Thị Thu Hằng akhan: “Tơ\ dêh char Đak Lăk pơhlom 3 xơnăm kơ âu, đei pơhlom 1.000 hec tar [ở đei pơtăm. Inh ưh kơ ‘meh gô lăng tơdrong mă plei [ơr klơ\m kư\ kă nhen dôm hơdre\ch ‘long pơtăm nai. Yuơ noh, inh ‘meh pơih minh hơyak ‘nao ăn plei [ơr tơ\ tơring vă pơjing tơmam drăm ‘lơ\ng hloh păng hơto\k kơjă plei [ơr, ăn plei [ơr đei minh hơyak nai lơ\m khei năr ano# anăp kơnh”

 Oei hăm pơmai Vũ Thị Kiều Oanh, tơ\ xăh Krông Jing, apu\ng M’Drăk, noh xơkơ\t trong iung jang đơ\ng pơgar hnam. 2 xơnăm adrol ki, xư tơchơ\t axong jên jang tơ\ 400 m2 teh pơgar, bơ\ hnam hơnhuăl vă pơtăm ‘nhot rơgoh kiơ\ tơchơ\t VietGAP… Yak hloh lơ tơdrong tơnap tap nhen ưh kơ măh jên jang, ưh kơ hlôh vao, mă lei adrin pơ ‘nam ho\k hơlen, truh dang ei, xư hlôi pơjing đei anih jang choh pơtăm ‘nhot rơgoh Kiều Anh Farm. Rim năr Kiều Anh Farm te\ch tơle\ch pơhlom 30 k^ ‘nhot rơgoh lơ\m tơring.

Rim k^ ‘nhot đei kơjă đơ\ng 40.000 - 60.000 hlj (kiơ\ khei năr), kăp hloh kơjă ‘nhot lơ\m tơring đơ\ng 10 - 20%. Pơmai Vũ Thị Kiều Oanh ăn tơbăt, hơyak hơto\k tơ iung kơ anih jang lơ\m khei năr truh thoi âu: “Dang ei nhôn oei vă tơle\ch jang tih hloh noh gô pơjing minh farm tơmang pơhiơ\ tơ\ tơring po. Đơ\ng Farm tơmang pơhiơ\ âu, rim bơngai gô băt hơdăh hloh găh choh pơtăm rơgoh ‘lơ\ng noh thoi yơ păng kơlih kiơ Kiều Anh Farm iung pơm jang tơ\ tơring tơnap tap hin dơnuh âu. Iung jang đơ\ng choh pơtăm tơ\ tơring ưh kơ tơnap, mă adro# kăl kơ ‘nôh jang kho\m mă đei dăh ưh đe\ch. Đơ\ng noh hơ ‘nhăk pơyua kăp g^t hloh ăn tơmam choh pơtăm kơ tơring”

Duh hăm tơdrong hơpơi pơm pơdro\ng đơ\ng dôm tơmam hlôi đei kơ pơlei pơla, pơmai Hoàng Thị Mỹ Tuyến tơ\ xăh Hòa Thuận, plei tơm Buôn Ma Thuột hlôi hu\t le# tơdrong jang xơđơ\ng tơ\ plei tơm Hồ Chí Minh, vih tơ\ Đak Lăk pơih anih pơm tơle\ch tơmam drăm bơ\ đơ\ng tơ\r đei hơnăn VietArt.

Dôm tơmam drăm kơ VietArt đei đe lăp yuơ hăp đei lơ tơdrong pơyua păng ‘lơ\ng hăm cham char. Ưh adro# kơdih chă bơ\, VietArt oei pơm tơle\ch tơmam drăm kiơ\ tơdrong pơkăl đơ\ng tơmoi. Truh dang ei, dôm tơmam drăm kơ VietArt hlôi te\ch truh teh đak Nhật păng Phlăng. Mă kăl noh, ăh tơdrong pơkăp tơjră hăm rơm re\k như\a đei hơto\k kơtang, dôm tơmam trep đak nhen đing pơle, chơ hmo\k, cheo hreo ‘long roi năr roi đei lơ bơngai tơchă răt. Vih hơlen lăng jăl trong iung jang kơ po, Hoàng Thị Mỹ Tuyến xơkơ\t: “Iung pơm jang tơ\ tơring, inh kơche\ng âu jing minh tơdrong tơgu\m tôch lăp đon. Găh tơmam drăm, tơ\ Đăk Lăk đei lơ tơmam vă po jang. Lu xơdrai ‘long duh gơh chă pơm tơle\ch tơmam yua ‘lơ\ng. Mă [ar noh đei tơdrong tơgu\m đơ\ng đe ‘nho\ng pơmai yuk hơdrol lơ\m khul jang te\ch pơdro păng đe ‘nho\ng pơmai lơ\m jơnu\m pơtho găh tơdrong iung jang hlôi xơkơ\t păng tơbang ăn kơ inh lơ tơdrong tơgop kăp g^t vă dôm bơngai iung pơm jang nhen inh gơh đei trong hơyak tro\ [lep hơdăh hloh”

Dôm tơdrong đei jơnei mă blu\ng hlôi hơto\k jơhngơ\m pran vă đe hơdruh Đak Lăk jang kiơ\ hơpơi hơto\k tơ iung hăm um ai kơ tơring tơle\ch te\ch tơ\ tơring tih xă.

Lan chih păng rapor