VOV4.Bahnar - Pơ gê 24/8, Đại tướng Phan Văn Giang – Kơ dră jang lơ̆m Anih tơm Chinh trĭ, Phó Bí thư Quân ủy Trung ương, Kơ dră tơm vei lăng khul linh tĕh đak păng Phó Thủ tướng Lê Văn Thành truh hơ pong, pơ lung khul y, ƀak si, kăn ƀô̆, linh năm tang găn jĭ hơ drol tơ̆ Hnam pơ gang Quân y 175, dôm anih gak tang găn jĭ tơ̆ plt HCM.

Pơ ma lơ̆m jơ bơ̆ jang, Phó Thủ tướng Lê Văn Thành pôk pơ ư khul linh tĕh đak pơ ma atŭm, quân y pơ ma adrô̆, lơ̆m nŏh đei Hnam pơ gang 175 hlôi năm hơ drol lơ̆m tơ drong tang găh jĭ; atŭm hăm ‘nŏh athei kăn ƀô̆, linh jang ‘lơ̆ng tơ drong vei lăng sơ đơ̆ng, pơ truh măh mai phe ƀa, tơ mam xa ăn kon pơ lei lơ̆m tơ ring đei jĭ; găn tôch ai jĭ tơ pŏh vă vei kơ jăp khul bơ ngai tang găn jĭ. Lơ̆m pơ gê 24/8 mơ̆n, khul jang truh hơ pong, dăr lăng păng pơ lung kăn ƀô̆, linh bơ̆ jang tơ̆ anih gak tang găn jĭ păng dôm anih pơ truh tơ mam xa kăp gĭt tơ̆ kuơ̆n Bình Tân, plt HCM.

Dơ̆ng: Tơ blơ̆