VOV4.Bahnar – Khul kơpal kơsô̆ 3 kơ Anih pơgơ̆r pôk rơih dêh char Lâm Đồng hlôi năm hơlen tơdrong jang hơmet ăn pôk rơih lơ̆m tơring kơ apŭng Đam Rông. Tơroi hăm Khul kơpal kơsô̆ 3, Anih pơgơ̆r pôk rơih apŭng Đam Rông ăn tơbăt: Truh khei năr âu, dôm tơdrong jang hơmet ăn tơdrong pôk rơih bơngai jang tang măt ăn Kuôk hô̆i păng Hô̆i đŏng kon pơlei dôm jăl đơ̆ng xơnăm 2021-2026 lơ̆m tơring kơ apŭng hlôi keh đang ƀlep khei năr pơkăp jang. Dang ei tơring pơtoi tơlĕch chih akŏm, pơkăp hơnăn bơngai tăh hla păng tơbang hơdăh hơnăn dôm bơngai lĕch măt tơgar jang tăng măt ăn Kuôk hô̆i păng Hô̆i đŏng kon pơlei dôm jăl păng tơmam drăm 'măn ăn 'năr pôk rơih. Adrol kơ noh, Khul kơpal kơsô̆ 3 kơ Anih pơgơ̆r pôk rơih dêh char hlôi năm hơlen tơdrong jang hơmet ăn pôk rơih tơ̆ minh ƀar anih pơgơ̆r pôk rơih kơ tơring.

Lan chih păng pơre nơ̆r