VOV4.Bahnar - Pơ gê 2/12, Khul kơ dră tĕh đak hôp khei 11/2021. Pơ ma ƀât blŭng hop akŏm, Thủ tướng Phạm Minh Chính akhan, vă jê̆ 2 khei bơ̆ jang kiơ̆ tơ drong tơ chơ̆t 128/NQ-CP đơ̆ng Khul kơ dră tĕh đak, arih ‘moi kiơ̆ mă sơ đơ̆ng, bơ̆ jang rơ gei, vei lăng ‘lơ̆ng tơ drong jĭ, bơ̆n hlôi găn đei tơ drong jĭ hơ buh lơ̆m tĕh đak; tơ drong jang mŭk drăm, tơ pôl kŭm đei lơ tơ drong ‘lơ̆ng.

Jơ bơ̆ jang lơ̆m hop akŏm

Hop akŏm âu, Thủ tướng athei dôm bơ ngai jang lơ̆m Khul kơ dră tĕh đak akŏm đon rơ gei pơ ma nuh mă ‘lơ̆ng, pơ ma tơ păt dôm tơ drong gĭt kăl, pơ ma hơ len dôm tơ drong jang mŭk drăm, tơ pôl khei 11 păng 11 khei âu ki, mă loi ‘nŏh tang găn jĭ păng jang tơ iung ming dơ̆ng mŭk drăm; hơ met ăn hop akŏm Khul kơ dră tĕh đak ƀât hơ tuch sơ năm, hơ met ăn ƀlŭng blŭng sơ năm ‘nao păng prăt sơ năm 2022.

Dơ̆ng: Tơ blơ̆