VOV4.Bahnar - Phŏ Thủ tướng Teh đak Vũ Đức Đam hlôi kĭ Tơ chơ̆t ăn tơ drong hơ găt, hơ năp jang, trong jang hơ tŏk tơ iung 1,2 hla ar ƀăo in păng ƀăo điên tư găh tơ drong jang tơ bôl kơ teh đak jăl jang 2022-2030. Tơ drong tơm vă hơ tok tơ iung hla ar ƀăo in Việt Nam News, hla ar tơ roi in ƀăo Rup Việt Nam păng ƀăo Điên tư VietnamPlus kơ Thông tấn xã Việt Nam jing dôm hla ar ƀăo in păng ƀăo điên tư găh tơ drong jang tơ bôl kơ teh đak, jang đang ‘lơ̆ng hơ năp jang kơ tơ̆ng ang jang tơ bôl kiơ̆ trong jang đơ̆ng Đảng tơ drong jang tơ gŭm khôi luơ̆t đơ̆ng Teh đak bơ̆n. Hơ năp jang păng trong jang hơ tŏk tơ iung 1,2 hla ar ƀăo in păng ƀăo điên tư găh tơ drong jang tơ bôl kơ teh đak jăl jang 2022-2030 ‘noh jĭ hơ tŏk lơ kơ sô̆ păng tơ drong ‘lơ̆ng kơ tơ̆ng ang. Mă hơ dăh, hơ tŏk lơ kơ sô̆ păng tơ drong ‘lơ̆ng kơ tơ̆ng ang jang tơ bôl, tơ roi tơ tom, đei kĕ tơ roi hơ iă găh tơ drong teh đak păng kon bơ ngai Việt Nam. Ưh kơ pơ dơh tơ plih ‘nao găh tơ drong kơ tơ̆ng ang, tŏk kơ sô̆, ‘lơ̆ng rim trang, tơ drong tơ roi lăp. Pơm tơ lĕch dôm hla ar kơ tơ̆ng ang lơ trong kiơ̆ rok hla ar chih kơ tơ̆ng ang ‘nao, hơ gei lơ̆m kơ măy kơ mŏk kơ sô̆, tơ roi kơ tơ̆ng ang lơ̆m rim trang mạng tơ pôl vă sơng đei bơ ngai chă đŏk, lăng.

Thuem: Tơ blơ̆