VOV4.Bahnar -‘Năr 25/3, Phŏ Thủ tướng Trịnh Đình Dũng hlôi kĭ ăn trong jang tơ mơ̆t jên jang tơ drong jang man tơ nŏk Liên Chiểu, pơ lei tơm Đà Nẵng – tơ drong anih jang kăl yua atŭm. ‘Nâu jĭ Tơ drong jang grŭp A, tơ mơ̆t jên jang teh đak hăm akŏp jên tơ chĕng hơ drol 3.426 ti hlak jên, yua đơ̆ng Anih vei lăng kon pơ lei pơ lei tơm Đà Nẵng jĭ anih jang tơ ‘ngla vei lăng. Kiơ̆ Tơ drong tơ chơ̆t âu, Thủ tướng teh đak pơ jao kơ Anih vei lăng kon pơ lei pơ lei tơm Đà Nẵng pŭ hơ năp jang găh tơ drong ƀlep găh tơ drong tơm, kơ sô̆ chih jô̆ lơ̆m Hla ar tơ roi tơ băt tơ chĕng hơ len jên jang, pơ gơ̆r pơm hla ar tơ roi tơ băt tơ chĕng hơ len tơ drong jang, pơ truh ăn kơ dră gơ̆h kĭ tơ chơ̆t tơ mơ̆t jên jang tơ drong jang kiơ̆ ƀlep tơ drong hơ găt đơ̆ng khôi luơ̆t; thoi noh ‘noh đơ̆ng 3 sơ năm hơ drin pơ jing tơ drong jang pơ truh ăn rim kơ dră gơ̆h kĭ tơ chơ̆t, truh dang ei tơ drong jang man tơ nŏk Liên Chiểu, pơ lei tơm Đà Nẵng – tơ drong anih jang kăl yua atŭm hlôi tơ pă đei kĭ ăn.

Thuem: Tơ blơ̆