VOV4.Bahnar - Phŏ Thủ tướng teh đak Vũ Đức Đam ‘nao kĭ Tơ drong tơ chơ̆t kơ sô̆ 128/NQ-CP đơ̆ng Khŭl kơ dră teh đak tơ lĕch Tơ drong tơ chơ̆t pơ gia “ Pơm lăp sơ đơ̆ng, ‘lơ̆ng, vei lăng đei yua jĭ hơ buh COVID-19”. Đơ̆ng tơ pă yan âu tơ drong, tơ gop nơ̆r tơ blang hơ dăh đơ̆ng rim bơ ngai jang khoa hŏk, bơ ngai joăt jang, nơ̆r tơ gop đơ̆ng rim tơ ring păng Anih pơ gơ̆r jang kơ teh đak tang găn jĭ hơ buh COVID-19, Khŭl kơ dră teh đak băt hơ dăh tơ dronghơ găt tơ drong jang tang găn jĭ oei jing hơ năp jang tơm vă vei lăng tôch ai jơ hngơ̆m pran, hơ kâu jăn kơ kon pơ lei, tơ iung ming, hơ tŏk tơ iung mŭk drăm - tơ pôl, vei sơ đơ̆ng tơ pôl; tơ plih trong bơ̆ jang tang găn jĭ jing “ pơm lăp sơ đơ̆ng, ‘lơ̆ng; vei lăng đei yua jĭ hơ buh COVID-19”. Tơ chơ̆t hăm tơ drong tơm vei lăng tôch ai jơ hngơ̆m pran, hơ kâu jăn kơ kon pơ lei; tang găn tŏ sĕt hloh dôm bơ ngai jĭ, bơ ngai tơ plih jing jĭ ăl, lôch yua đơ̆ng jĭ COVID-19; tơ iung ming păng hơ tŏk tơ iung mŭk drăm- tơ pôl, vei sơ đơ̆ng tơ pôl; jang kiơ̆ tơ drong jang hơ dai, hơ nhăk teh đak tơ plih jing hmă ‘nao hrôih.

Thuem: Tơ blơ̆