VOV4.Bahnar - Jang kiơ̆ nơ̆r pơrô̆ jang đơ̆ng Yŏng Khŭl Ƀô̆ đô̆i vei lăng sơlam tĕh đak găh atŏk kơtang bơ̆ jang tơdrong jang tang găn jŏ tơ̆ trong sơlam tĕh đak găh Pơmơ̆t pơbăh, au ki, Kơdră Đảng, Kơdră chĕp pơgơ̆r Ƀô̆i Đô̆i vei lăng sơlam tĕh đak Ninh Bình pơgơ̆r pơjao tơdrong jang ăn 40 ‘nu kang ƀô̆ si kuan, ƀô̆ đô̆i năm bơ̆ jang hơdoi hăm Ƀô̆ đô̆i vei lăng sơlam tĕh đak Long An vei lăng năng tông tơring sơlam tĕh đak păng tang găn jĭ hơbŭh Covid-19. Iung pơma pơrô̆ tơ̆ jơ pơjao tơdrong jang, Thiếu tướng Lê Quang Đạo- Kơ iĕng Kơdră chĕp pơgơ̆r Ƀô̆i đô̆i vei lăng sơlam tĕh đak athei Kơdră chĕp pơgơ̆r Ƀô̆ đô̆i vei lăng sơlam tĕh đak dêh char Ninh Bình hơnơ̆ng iung jang hơdoi kơ jăp hăm khŭl kơdră chĕp pơgơ̆r đảng, kơdră chĕp pơgơ̆r Ƀô̆ đô̆i vei lăng sơlam tĕh đak păng rim khŭl tơ̆ tơring sơlam tĕh đak; vei lăng, băt hơdăh jơhngơ̆m đon, hơlen hơdăh tơdrong bơ̆ jang kơ kang ƀô̆, ƀô̆ đô̆i, jang kiơ̆ ‘lơ̆ng tơdrong bơ̆ jang tơgŭm djru ăn khŭl ƀô̆ đô̆i vă rim kơdră iung jang tang găn jĭ sơđơ̆ng jơhngơ̆m, iung jang keh kong tơdrong jang đei pơjao.

Tơblơ̆ nơ̆r: Amazưt