VOV4.Bahnar - Kơsơ̆ brei, Dơnŏ anĭh bơ̆ jang Kuô̆k hô̆i pơgơ̆r pơtôch hop akŏm mă 3, Kơdră chĕp pơgơ̆r Kuô̆k Hô̆i Vương Đình Huệ hơlen hơdăh, tơ̆ ‘măng hop akŏm Dơnŏ anĭh bơ̆ jang Khŭl kơdră chĕp pơgơ̆r Kuô̆k hô̆i ăn tơgop nơ̆r 6 tơdrong vă pơjing Khôi luơ̆t păng lơ tơdrong kăl anai. Găh tơdrong hơmet ăn ‘măng hop akŏm mă 2, kăl đei hơmet ăn mă ‘lơ̆ng bơ̆ jang vei lăng sơđơ̆ng, sơđơ̆ng tang găn jĭ hơbŭh, sơđơ̆ng ăn rim trong hơmet pơ ‘lơ̆ng tơtom ăn kơdră tang măt vang năm hop akŏm. Hơdrol kơ ‘nŏh, lơ̆m kơsơ̆ năr 22/9, mư̆h lăng hơlen, tơchơ̆t trong vă jang iŏk yua kon jên pơkom lơ̆m kon jên bơ̆ jang Trung ương sơnăm 2021, Dơnŏ anĭh chĕp pơgơ̆r Kuô̆k hô̆i hlôi ăn asong iŏk 14.620 ti hlak jên đơ̆ng hơnĭh mong jên bơ̆ jang Trung ương vă ăn bơ̆ jang tang găn jĭ hơbŭh. Jei lơ̆m kơsơ̆ năr 22/9, hăm 100% ‘nu kơdră jang lơ̆m Dơnŏ anĭh chĕp pơgơ̆r Kuô̆k hô̆i vang hop akŏm drơ̆ng nơ̆r, Dơnŏ anĭh chĕp pơgơ̆r Kuô̆k hô̆i hlôi pơdrơ̆ng kiơ̆ Trong vă jang pơjing pơlei tơm Từ Sơn, dêh char Bắc Ninh.

Tơblơ̆ nơ̆r: Amazưt