VOV4.Bahnar - “Kăl hơnơ̆ng hơmet pơ ‘lơ̆ng ‘Măng hop akŏm mă blŭng kơ Kuô̆k hô̆i jăl 15 kiơ̆ trong tơ jur jơ đŏk tơbăt rim hla bơar chĭh tơbăt tơdrong jang, atŏk lơ jơ đŏk tơbăt hla bơar chĭh tơbăt lăng hơlen trŏ ƀlep, vă rim kơdră tang măt Kuô̆k hô̆i đei jơ ‘năr lăng hơlen păng tơgop nơ̆r”. ‘Nau jing nơ̆r pơma hơdăh đơ̆ng Kơdră chĕp pơgơ̆r Kuô̆k hô̆i Vương Đình Huệ tơ̆ hop akŏm găh tơdrong hơmet ăn ‘Măng hop akŏm mă blŭng, Kuô̆k hô̆i jăl XV kơ yuơ Khŭl kơdră chĕp pơgơ̆r Kuô̆k hô̆i pơgơ̆r kơsơ̆ năr 14/6, tơ̆ Hà Nội. Kiơ̆ vă jang, ‘Măng hop akŏm mă blŭng, Kuô̆k hô̆i jăl XV đei pơgơ̆r lơ̆m 11 năr 1 poăt. Lơ̆m au, Kuô̆k hô̆i ‘măn 5 năr ăn bơ̆ jang hơlen Kơdră bơ̆ jang, ‘măn 4 năr 1poăt vă lăng hơlen hla bơar chĭh tơbăt bơ̆ jang păng mĭnh ƀar tơdrong anai păng 1 poăt năr ăn bơ̆ jang hơmet hơdrol; pơgơ̆r blŭng a păng pơgơ̆r pơtôch hop akŏm 1 năr păng răk hmŏ 1 poăt năr. Tơ̆ hop akŏm, rim kơdră jang lơ̆m khŭl kơdră chĕp pơgơ̆r Kuôk hô̆i drơ̆ng mĭnh nơ̆r pơm lê̆h pơgơ̆r hop akŏm blŭng a ‘Măng hop akŏm mă blŭng, Kuô̆k hô̆i jăl XV pơgơ̆r lơ̆m năr 20/7 kơnh.Kơ yuơ ‘nau ‘măng hop akom blŭng a kơna găh lơ jơ ‘năr ‘măn ăn hơlen khŭl kơdră bơ̆jang, kăl pơgơ̆r hop akŏm kơtă. Lơ̆m au, đei dang 500 ‘nu kơdră tang măt. Kơ yuơ lơ lŏh, rim kơdră jang lơ̆m Khŭl kơdră chĕp pơgơ̆r athei: Kăl hơmet ăn bơ̆ jang tang găn jĭ Covid-19 mă kơtang. Jei lơ̆m năr 14/6, rim kơdră jang lơ̆m Khŭl kơdră chĕp pơgơ̆r Kuô̆k hô̆i jei ăn tơgop nơ̆r găh trong vă jang Tơdrong jang dăr lăng đơ̆ng Kuô̆k hô̆i, Khŭl kơdră chĕp pơgơ̆r Kuô̆k hô̆i sơnăm 2022.

Tơblơ̆ nơ̆r: Amazưt