VOV4.Bahnar - Kơsơ̆ năr 11/8, kơ yuơ Thủ tướng Tĕh đak Phạm Minh Chính pơm tơm păng chĕp pơgơ̆r, Khŭl kơdră chĕp pơgơ̆r Tĕh đak hlôi hop akŏm găh bơ̆ jang tang găn jĭ hơbŭh Covid-19; tơdrong atŏk tơ iung mŭk drăm-tơpôl khei 7 păng 7 khei sơnăm 2021; dôm tơdrong jang, trong jang kăl hơmet pơ ‘lơ̆ng tơnap tap, atŏk tơ iung muk drăm-tơpôl dôm khei hơtuch sơnăm 2021 pơgơ̆r kiơ̆ trư̆k tuyên ƀar păh Khŭl kơdră chĕp pơgơ̆r Tĕh đak hăm rim tơring lơ̆m tĕh đak. Kiơ̆ đơ̆ng Thủ tướng, ‘nau jing ƀar tơdrong jang gĭt kăl hlŏh păng đei ƀơm mơ̆t lĕch dĭh băl kơtang. Kiơ̆ nơ̆r pơrô̆ đơ̆ng Thủ tướng, kơdră chĕp pơgơ̆r rim dêh char, pơlei tơm păng rim khŭl kơdră Tĕh đak akŏm hơlen hơdăh dôm tơdrong iŏk đei jơnei păng dôm tơdrong jang tim mă ‘lơ̆ng hơ iă lơ̆m jang kiơ̆ rim tơdrong jang lơ̆m khei au ki; hơlen hơdăh trong jang vă hơmet ming, mă kăl ‘nŏh tang găn jĭ hơbŭh Covid-19 păng hơmet ming chŏh jang sa pơm tơlĕch, tĕch mơdro; pơn hơlau tơdrong, mă kăl ‘nŏh dôm tơdrong tơnap tap, tơdrong rơvơn, tơdrong long; pơma dơnŭh rim trong vă jang, tơdrong jang, trong jang kiơ̆ dôm khei hơtuch sơnăm 2021.

Tơblơ nơ̆r: Amazưt