VOV4.Bahnar - Năr 29-9, Khŭl kơdră tang măt Kuô̆k hô̆i dêh char Dak Lăk tơ ƀơ̆p pơma dơnŭh hăm bơngai tăh hla hơdrol Hop akŏm mă 2, Kuô̆k hô̆i jăl XV. Lơ nơ̆r tơgop lăng kơ tang trŭh rim trong jang vă jang kiơ̆ trong tơlĕch jang “tingrring” atŏk tơ iung răh mŭk drăm-tơpôl, adoi iung jang hloi tang găn jĭ hơbŭh jơnei hlôi đei rim bơngai tăh hla pơma tơlĕch.

Khŭl kơdră tang măt Kuô̆k hô̆i dêh char Dak Lăk tơ ƀơ̆p pơma dơnŭh hăm bơngai tăh hla hơdrol Hop akŏm mă 2

Tơ̆ rim hơnĭh tơ ƀơ̆p mŭh măt, bơngai tăh hla dêh char Dak Lăk apĭnh athei Kuô̆k hô̆i, Khŭl kơdră Tĕh đak, rim Hơnĭh tơm, Hơnĭh bơ̆ jang Trung ương păng dêh char hơnơ̆ng pơrô̆ kơtang iung jang tang găn jĭ hơbŭh Covid-19, pơjing đei vaccine ƀet bơ̆ng ăn kon pơlei, atŏk kơtang khŭl jang pơgang, kmăi kmŏk, mă kăl khŭl ƀok thây pơgang tơ̆ tơring vă tơpŭh kĕ jĭ hơbuh, ba tĕh đak hrôih vĭh hơlơ̆k hiôk hian hle. Atŭm hăm ‘nŏh, bơngai tăh hla jei apĭnh athei: kăl hơmet ming, tơmơ̆t dơ̆ng mĭnh ƀar tơdrong tơchơ̆t Khôi luơ̆t nhen: Khôi luơ̆t Groi tĕh, Khôi luơ̆t Tơkêng xek tơlang yoch tĭh sơnăm 2015, Khôi luơ̆t krao mơ̆t pơm Ƀô̆ đô̆i, Khôi luơ̆t Pơting pôk hơpăh ... vă rim tơring, rim hơnĭh ƀônh tơlĕch jang kiơ̆ sơđơ̆ng ăn tơdrong kơhret pơđep hăm rim tơdrong pơm glăi khôi luơ̆t păng lăp hăm tơdrong yan au hrei ‘nau.

Tơblơ̆ nơ̆r: Amazưt