VOV4.Bahnar - Tơbăt hơdăh tơ̆ hơnăp Kuô̆k hô̆i, kon pơlei păng bơngai tăh hla tơ̆ ‘măng Hop akŏm mă 2, Kuô̆k hô̆i jăl XV, Thủ tướng Phạm Minh Chính tơbăt, sơnăm 2021, lơ̆m khei ‘năr Tĕh đak tơ ƀơ̆p lơ tơnap tap, twodrong long ‘nŏh ‘măng jĭ hơbŭh Covid-19 ‘măng mă 4 hăm sơmach vir Delta tơpŏh kơtang, hơmơt tơt hlŏh pơtêng hăm pơrang jĭ ‘măng mă blŭng, pơm ăn kơ bơ̆n măh tơlĕch jang kiơ̆ lơ trong jang tang găn kơtang, tim lăh đei vă jang kiơ̆ blŭng hlŏh, kăl hlŏh vă vei lăng năng tông jơhngơ̆m jăn kơ kon pơlei. Găh trong tơ iung pơjing trong jang atŏk tơ iung mŭk drăm tơpôl sơnăm 2022, Thủ tướng pơma hơdăh trong chĕp pơgơ̆r lơ̆m au pơma hơdăh: Lăng kơ jăp trong atŏk tơ iung kơ Tơdrong Tơchơ̆t Pơm lê̆h hop akŏm mă XIII kơ Đảng. Kiơ̆ yok jơhngơ̆m pran tơgoăt tơgoăl pơ đĭ hơdrĕch hơdrung păng trong jang chĭnh trĭ; atŏk kơtang jơhngơ̆m đon hơdrin, ‘moi kiơ̆ kơ dĭh ‘nŏh kăl hlŏh, đơ̆ng păh ‘ngoăih jei kăl, gĭt kăl. Lăng jơhngơ̆m pran jăng kơ kon pơlei ‘nŏh kăl hlŏh; ƀrư̆ ƀrư̆ erĭh sa hơ iă, sơđơ̆ng, tang găn kĕ jĭ hơbŭh Covid-19.

Tơblơ̆ nơ̆r: Amazưt